உத்தாணிமுத்து முனியாண்டவர் கோவில் குடமுழுக்கு: திரளான பக்தர்கள் பங்கேற்பு

பாபநாசம் அருகே உள்ள உத்தாணி கிராமத்தில் முத்து முனியாண்டர் கோவில் உள்ளது. இக்கோவிலில் குடமுழுக்கு விழா நேற்று நடைபெற்றது. விழாவையொட்டி கடந்த 29-ந்தேதி சந்தோஷ்குமார் சிவாச்சாரியார் தலைமையில் கணபதி ஹோமம், லட்சுமி ஹோமம், நவக்கிரக ஹோமம், வாஸ்து சாந்தி ஆகியவை நடைபெற்றது.

30-ந்தேதி முதல்கால யாக பூஜைகள் தொடங்கியது. நேற்று 4-ம் கால யாக சாலை நடைபெற்றது. தொடர்ந்து கடங்கள் புறப்பாடு நடைபெற்று, முத்துமுனியாண்டர் மற்றும் பரிவார தெய்வங்களுக்கு குடமுழுக்கு நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். தொடர்ந்து 48 நாட்களுக்கு மண்டலாபிஷேக பூஜைகள் நடைபெறுகிறது.