செய்திகள்
தமிழக பாஜக துணை தலைவராக அண்ணாமலை நியமனம்
தமிழக மாநில பாஜக துணை தலைவராக முன்னாள் ஐபிஎஸ் அதிகாரி அண்ணாமலை நியமனம் செய்யப்பட்டுள்ளார்.
சென்னை:
கர்நாடக மாநிலத்தில் காவல்துறை அதிகாரியாக பணியாற்றியவர் அண்ணாமலை. கடந்த ஆண்டு செப்டம்பர் மாதம் பணியில் இருந்து விருப்ப ஓய்வு பெற்ற அண்ணாமலை, அரசியலில் ஈடுபடப்போவதாக தகவல் பரவியது.
இதற்கிடையில் கடந்த 25-ம் தேதி டெல்லி சென்ற அண்ணாமலை பாஜக தேசிய பொதுச்செயலாளர் முரளிதரராவ் உள்ளிட்ட பல பிரமுகர்களின் முன்னிலையில் பாஜக கட்சியில் சேர்ந்தார்.
இந்நிலையில், அண்ணாமலை தமிழக மாநில பாஜக துணை தலைவராக நியமனம் செய்யப்பட்டுள்ளதாக அக்கட்சியின் மாநில தலைவர் எல்.முருகன் இன்று அறிவித்துள்ளார்.