தஞ்சையில் குடிநீர் தட்டுப்பாட்டை கண்டித்து தி.மு.க.வினர் ஆர்ப்பாட்டம் - எம்.பி.-எம்.எல்.ஏ.க்கள் பங்கேற்பு

தஞ்சாவூர்:

பருவமழை பொய்த்ததால் தமிழகம் முழுவதும் கடும் குடிநீர் நிலவி வருகிறது. இதற்கு தீர்வு காணாத அ.தி.மு.க அரசை கண்டித்து இன்று தமிழகம் முழுவதும் ஆர்ப்பாட்டம் நடைபெறும் என்று தி.மு.க தலைவர் மு.க.ஸ்டாலின் அறிவித்து இருந்தார்.

அதன்படி தஞ்சை பனகல் கட்டிடம் முன்பு இன்று மாவட்ட தி.மு.க சார்பில் ஆர்ப்பாட்டம் நடைபெற்றது. இந்த ஆர்ப்பாட்டத்திற்கு தஞ்சை தெற்கு மாவட்ட செயலாளர் துரை. சந்திரசேகரன் எம்.எல்.ஏ., வடக்கு மாவட்ட செயலாளர் கல்யாண சுந்தரம் ஆகியோர் தலைமை தாங்கினர். எம்.பி. எஸ். எஸ். பழனிமாணிக்கம், எம்.எல்.ஏ.க்கள் டிகே.ஜி. நீலமேகம், ராமச்சந்திரன், அன்பழகன், கழக தேர்தல் பணிக்குழுத் தலைவர் கணேசன், வர்த்தக அணி தலைவர் உபயதுல்லா ஆகியோர் முன்னிலை வகித்தனர்.


இந்த ஆர்ப்பாட்டத்தில் மாவட்டத்தின் பல்வேறு பகுதிகளை சேர்ந்த தி.மு.க.வினர் மற்றும் அதன் கூட்டணிக் கட்சியினர் ஆயிரக்கணக்கானோர் கலந்து கொண்டனர். முடிவில் மாவட்ட துணைச் செயலாளர் புண்ணியமூர்த்தி நன்றி கூறினார்.