தங்கம் விலை சவரனுக்கு ரூ.248 குறைந்தது

சென்னை:

தங்கம் விலை கடந்த 20-ந்தேதி ஒரு பவுன் ரூ.24 ஆயிரத்து 312 ஆக இருந்தது. பின்னர் படிப்படியாக விலை அதிகரித்தது. 24-ந் தேதி பவுன் ரூ.24 ஆயிரத்து 656-க்கு விற்றது. அதையடுத்து விலை படிப்படியாக குறைந்தது.

நேற்று பவுனுக்கு ரூ.120 குறைந்து ரூ.24 ஆயிரத்து 392 ஆக இருந்தது. இன்று ஒரேநாளில் அதிரடியாக பவுனுக்கு மேலும் ரூ.248 குறைந்து ஒரு பவுன் ரூ.24 ஆயிரத்து 144 ஆக உள்ளது. கிராமுக்கு ரூ.31 குறைந்துள்ளது. ஒரு கிராம் ரூ.3,018-க்கு விற்கிறது.

பங்கு சந்தை மீதான முதலீடு அதிகரிப்பு, டாலருக்கு நிகரான இந்திய ரூபாயின் மதிப்பு உயர்வு, சர்வதேச சந்தை நிலவரம் போன்றவை காரணமாக தங்கம் விலையில் சரிவு ஏற்பட்டுள்ளதாக வியாபாரிகள் தெரிவித்தனர்.

வெள்ளி கிலோவுக்கு ரூ.500 குறைந்துள்ளது. ஒரு கிலோ ரூ.40 ஆயிரத்து 200 ஆகவும் ஒரு கிராம் ரூ.40.20 ஆகவும் உள்ளது.