2 தோல்வியால் இந்திய அணி மோசமானது அல்ல: விராட் கோலிக்கு காம்பீர் ஆதரவு

இந்தியா - தென்ஆப்பிரிக்கா இடையிலான மூன்று போட்டிகள் கொண்ட ஒருநாள் கிரிக்கெட் தொடர் நடைபெற்று வருகிறது. முதல் இரண்டு டெஸ்டிலும் இந்தியா தோல்வியை சந்தித்து தொடரை இழந்துள்ளது.

பந்து வீச்சு சிறப்பாக இருந்த போதிலும், பேட்ஸ்மேன்கள் மோசமான ஆட்டத்தை வெளிப்படுத்தினார்கள். ரகானேவை வெளியில் வைத்துவிட்டு ரோகித் சர்மாவிற்கு வாய்ப்பு கொடுக்கப்பட்டதற்கு கடும் விமர்சனம் எழும்பியது.

இந்திய அணி பயிற்சி ஆட்டத்தில் விளையாடாததுதான் மோசமான தோல்வி ஏற்பட்டது என முன்னாள் வீரர்கள் விமர்சனம் செய்து வருகிறார்கள்.



இந்நிலையில் இரண்டு தோல்விகளால் இந்திய அணி மோசமானதாக ஆகிவிடாது என விராட் கோலிக்கு காம்பீர் ஆதரவு தெரிவித்துள்ளார்.

இதுகுறித்து காம்பீர் தனது டுவிட்டர் பக்கத்தில் ‘‘இந்த நேரத்தில் இந்திய அணிக்கு நாம் ஆதரவு தெரிவிக்க வேண்டும். விமர்சனம் செய்யக்கூடாது. இந்த அணி அற்புதமான ரன்களை குவித்துள்ளது. இரண்டு போட்டிகளில் ஏற்பட்ட தோல்வி அவர்களை மோசமானவர்களாக ஆக்கிவிடாது. நமது வீரர்களை கடுமையாக விமர்சனம் செய்வதை காட்டிலும், எதிரணிகளை பாராட்ட வேண்டும்’’ என்று பதிவிட்டுள்ளார். #SAvIND #ViratKohli #Gambhir