என்.மகேஷ் ராஜினாமாவால் கூட்டணி அரசுக்கு எந்த பாதிப்பும் இல்லை: சித்தராமையா பேட்டி

பெங்களூரு :

பகுஜன் சமாஜ் கட்சியை சேர்ந்த பள்ளி கல்வித்துறை மந்திரி என்.மகேஷ் தனது பதவியை ராஜினாமா செய்தார். இதுகுறித்து முன்னாள் முதல்-மந்திரி சித்தராமையாவிடம் பெங்களூருவில் நிருபர்கள் கேட்ட கேள்விகளுக்கு பதிலளிக்கையில் கூறியதாவது:-

என்.மகேஷ் ராஜினாமாவால் கூட்டணி அரசுக்கு எந்த பாதிப்பும் இல்லை. அவரது ராஜினாமாவுக்கும், காங்கிரசுக்கும் எந்த தொடர்பும் கிடையாது. அவர் வேறு கட்சி. எங்களது வேறு கட்சி. அவர் எதற்காக ராஜினாமா செய்தார் என்பது எனக்கு தெரியாது. நீங்கள் அவரிடமே சென்று கேளுங்கள்.

இவ்வாறு சித்தராமையா கூறினார். #siddaramaiah