என் மலர்

    நீங்கள் தேடியது "Siddaramaiah"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அரசியலில் இத்தகைய விமர்சனங்கள் சகஜமானது.
    • போலீசார் மூலம் எத்தனை பேரின் வாயை மூட முடியும்.

    பெங்களூரு :

    கர்நாடகத்தில் புதிய சட்டம் அமல்படுத்தப்பட்டுள்ளது. அதாவது இங்கு லஞ்சம் வாங்கினால் தவறு இல்லை, லஞ்சம் வாங்கியவர்கள் குறித்து பேசினால் குற்றம். போலீசார் மூலம் எத்தனை பேரின் வாயை மூட முடியும். எவ்வளவு பேரை சிறையில் அடைக்க முடியும். கர்நாடக பா.ஜனதா அரசின் ஊழல்கள் குறித்து நானே போஸ்டர் ஒட்டுகிறேன், தைரியம் இருந்தால் என்னை கைது செய்யுங்கள்.

    நான் மற்றும் டி.கே.சிவக்குமார் குறித்து அவதூறாக பா.ஜனதாவினர் போஸ்டர் ஒட்டியுள்ளனர். இந்த விஷயத்தில் முதல்-மந்திரி பசவராஜ் பொம்மை மவுனமாக இருப்பது ஏன்?. போலீசாரின் கண்களுக்கு இது தெரியவில்லையா?. பொய் தகவல்களை கொண்டு பிரசாரம் செய்வது, எதிர்க்கட்சி தலைவர்களின் புகழை கெடுப்பது, தனிமனித கருத்து சுதந்திரத்தை பறிப்பது ஆகியவை தான் பா.ஜனதா வெற்றியின் ரகசியம்.

    சமூக வலைத்தளங்கள் மூலம் பா.ஜனதாவினர் தவறான தகவல்களை பரப்புவதில் உலகிலேயே முதன்மையானவர்கள். நான் முதல்-மந்திரியாக இருந்தபோதும், எனக்கு எதிராக இத்தகைய அவதூறு பிரசாரங்களை பா.ஜனதா செய்தது. ஆனால் அவர்கள் மீது நடவடிக்கை எடுக்கும்படி போலீசாருக்கு உத்தரவிடவில்லை. நான் தனிமனித சுதந்திரத்தை மதித்தேன்.

    அரசியலில் இத்தகைய விமர்சனங்கள் சகஜமானது. ஆனால் இந்த விவகாரத்தை அடிமட்டத்திற்கு கொண்டு வந்த பெருமை பா.ஜனதா கட்சியையே சாரும். வேறு தலைவர்களை இவ்வாறு அவதூறாக கருத்துகளை வெளியிடும்போது முதல்-மந்திரி மகிழ்ச்சி அடைந்தார். அவருக்கே இந்த நிலை வரும்போது மட்டும் வருத்தம் ஏற்படுகிறதா?.

    இவ்வாறு சித்தராமையா குறிப்பிட்டுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மகாத்மா காந்தியை கொன்ற கோட்சேவை போற்றுகிறார்கள்.
    • மாநிலத்தில் சட்டம் - ஒழுங்கு சீர்குலைந்து உள்ளது.

    சிக்கமகளூரு :

    குடகில் கார் மீது முட்டை வீசிய சம்பவம் குறித்து சித்தராமையா நிருபர்களுக்கு பேட்டி அளித்தார். அப்போது அவர் கூறியதாவது:-

    எனக்கு எதிராக நடக்கும் போராட்டம் மற்றும் என் கார் மீது முட்டை வீசப்பட்ட சம்பவம் கர்நாடகத்தை ஆளும் பா.ஜனதா அரசால் அரங்கேற்றப்பட்டது. இதன் பின்னணியில் மகாத்மா காந்தியை கொன்ற நாதுராம் கோட்சேவின் ஆதரவாளர்களும், அவர்கள் சார்ந்த அமைப்பும் உள்ளது.

    திதிமதியில் எனக்கு எதிராக 10 இளைஞர்கள் கோஷமிட்டனர். சிக்கமகளூருவில் 4 இடங்களில் பா.ஜனதா மற்றும் இந்து அமைப்பினர் திரண்டிருந்தனர். ஆனால் அவர்களை போலீசார் தடுத்து நிறுத்தவில்லை. முதல்-மந்திரி வந்தால் அவருக்கு எதிராக கருப்பு கொடி காட்ட போலீசார் அனுமதிப்பார்களா?. ஏன் அவர்களை போலீசார் முன்கூட்டியே கைது செய்யவில்லை. இதில் மாவட்ட போலீஸ் சூப்பிரண்டு கவனம் செலுத்தாதது ஏன்?.

    எனக்கு எதிராக செயல்படும் ஆர்.எஸ்.எஸ்., பஜ்ரங்தள, சங்க் பரிவார் ஆகிய அமைப்புகளுடன் போலீஸ் சூப்பிரண்டு கைகோர்த்துள்ளார். அவர்கள் போராட்டம் நடத்த போலீஸ் சூப்பிரண்டே அனுமதித்துள்ளார். இது மாநில அரசால் நடத்தப்பட்ட போராட்டம்.

    எனக்கு தகுந்த பாதுகாப்பு அளிப்பது அரசின் வேலை. அதை அரசு செய்ய தவறி விட்டது. மாநிலத்தில் சட்டம் - ஒழுங்கு சீர்குலைந்து உள்ளது. இது ஒரு மோசமான ஊழல் அரசு. கர்நாடகத்தில் அரசும், சட்டமும் - ஒழுங்கும் செத்துவிட்டது. எனக்கு சாவர்க்கர் மீது தனிப்பட்ட முறையில் எந்த ஒரு விரோதமோ, கோபமோ இல்லை. அவரும் ஒரு மனிதர் தான். ஆனால் அவரது கொள்கைகளை நான் எதிர்க்கிறேன்.

    எனக்கு எதிராக போராடியவர்கள் சாவர்க்கரின் உருவப்படங்களை கைகளில் ஏந்தி உள்ளனர். ஆங்கிலேயர்களை எதிர்த்து நிற்காமல் தன்னை மன்னித்துவிடும்படி கேட்ட சாவர்க்கரை இவர்கள் வீரசாவர்க்கர் என்று கொண்டாடுகிறார்கள். மேலும் மகாத்மா காந்தியை கொன்ற கோட்சேவை போற்றுகிறார்கள். என்னை மட்டும் இவர்கள் விட்டுவிடுவார்களா?.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வீர சாவர்க்கர் பேனர் குறித்து சித்தராமையா கேள்வி எழுப்பி இருந்தார்.
    • சித்தராமையா கார் மீது பாஜகவினர் முட்டை வீசி போராட்டம்.

    பெங்களூரு:

    கர்நாடகம் மாநிலம் சிவமொக்காவில் சுதந்திர தின விழாவையொட்டி வீர சாவர்க்கரின் படத்துடன் பேனர் வைக்கப்பட்டது குறித்து அம்மாநில எதிர்க்கட்சித் தலைவர் சித்தராமையா எதிர்ப்பு தெரிவித்திருந்தார். முஸ்லிம்கள் வாழும் பகுதியில் வீர சாவர்க்கர் படத்தை வைத்தது ஏன் என்றும் அவர் கேள்வி எழுப்பியிருந்தார்.

    இதற்கு கர்நாடகா பாஜகவினர் மற்றும் இந்து அமைப்பினர் கடும் எதிர்ப்பு தெரிவித்தனர். இந்த நிலையில் மழை வெள்ளத்தால் பாதிக்கப்பட்ட குடகு மாவட்டத்திற்கு சென்ற சித்தராமையாவை முற்றுகையிட்ட பாஜகவினர், அவரது கார் மீது முட்டைகளை வீசியதுடன் கருப்புகொடி காட்டி போராட்டம் நடத்தினர்.

    இந்த சம்பவத்திற்கு கண்டனம் தெரிவித்து பெங்களூருவில் காங்கிரஸ் கட்சியினர் போராட்டத்தில் ஈடுபட்டனர். இதனிடையே சித்தராமையாவுக்கு கொலை மிரட்டல் விடுக்கப்பட்டதாக தகவல் வெளியானது. தமது தந்தையின் உயிருக்கு ஆபத்து இருப்பதாக சித்தராமையாவின் மகன் மகன் யதீந்திரா தெரிவித்துள்ளார்.

    இது குறித்து முழு விசாரணை நடத்தப்படும் என்று கர்நாடகா முதலமைச்சர் பசவராஜ் பொம்மை கூறியுள்ளார். இந்த விவகாரத்தை அரசு தீவிரமாக எடுத்துக் கொண்டுள்ளதாகவும், எதிர்க்கட்சித் தலைவருக்கு போதிய பாதுகாப்பு வழங்குவதுடன், கொலை மிரட்டல் குறித்து விசாரணை நடத்துமாறு கர்நாடகா டிஜிபியிடம் தாம் தெரிவித்துள்ளதாகவும் பொம்மை குறிப்பிட்டுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கர்நாடகத்தில் அரசே இல்லாத நிலை ஏற்பட்டுள்ளது.
    • சட்டசபை தொகுதியில் நான் போட்டியிடுவது உறுதி.

    பெங்களூரு :

    கர்நாடக சட்டசபை எதிர்க்கட்சி தலைவர் சித்தராமையா குடகில் நேற்று நிருபர்களுக்கு பேட்டி அளிக்கையில் கூறியதாவது:-

    குடகு மாவட்டத்தில் இயல்பைவிட அதிக மழை பெய்துள்ளது. நான் இன்று (நேற்று) இந்த மாவட்டத்தில் நேரில் ஆய்வு செய்தேன். இந்த பகுதியில் மழை வெள்ளத்தால் சேதம் அடைந்த பயிர்கள் குறித்து அரசு இன்னும் ஆய்வு நடத்தவில்லை. வருவாய்த்துறை அதிகாரிகள், தற்போது தான் ஆய்வு நடைபெற்று வருவதாக கூறியுள்ளனர். வெள்ளத்தால் ஏற்பட்ட பாதிப்புகள் மற்றும் அதன் மதிப்பு குறித்து எந்த தகவலும் தெரியவில்லை.

    இங்கு மட்டும் சுமார் 35 ஆயிரம் வீடுகள் சேதம் அடைந்துள்ளன. அதில் 10 ஆயிரம் வீடுகள் முழுமையாக சேதம் அடைந்துள்ளன. பயஸ்வினி ஆற்றின் குறுக்கே பாலம் கட்ட வேண்டும் என்று இந்த பகுதி மக்கள் கோரிக்கை விடுத்துள்ளனர். ஆனால் பாலம் கட்ட அரசு எந்த நடவடிக்கையும் எடுக்கவில்லை. வெள்ளத்தால் பாதிக்கப்பட்ட மக்களுக்கு இந்த அரசு உடனடியாக நிவாரணம் வழங்க வேண்டும்.

    வருகிற சட்டசபை தேர்தலில் குடகு மாவட்டத்தில் உள்ள 2 தொகுதிகளிலும் காங்கிரஸ் வெற்றி பெறும். அதனால் ஏமாற்றம் அடைந்துள்ள பா.ஜனதாவினர் எனது கார் மீது முட்டை வீசி தாக்குதல் நடத்தியுள்ளனர். அவர்கள் கோழைகள். காங்கிரசாரும் இவ்வாறு தாக்குதல் நடத்தினால் முதல்-மந்திரி, மந்திரிகள் யாரும் வெளியில் நடமாட முடியாது. காங்கிரஸ் தொண்டர்களுக்கு இந்த பலம் உள்ளது.

    பா.ஜனதாவினர் பணம் கொடுத்து ஆட்களை அழைத்து எனக்கு எதிராக போராட்டம் நடத்தியுள்ளனர். கர்நாடகத்தில் அரசே இல்லாத நிலை ஏற்பட்டுள்ளது. அதனால் மக்களின் கவனத்தை திசை திருப்பும் நோக்கத்தில் சிறுபிள்ளைத்தனமாக போராட்டம் நடத்துகிறார்கள். கர்நாடகத்தில் நடைபெற்ற அரசு திட்ட வளர்ச்சி பணிகள் தரம் குறைந்தவையாக உள்ளன. அதில் 40 சதவீத கமிஷன் பெறப்பட்டுள்ளது.

    குடகு மாவட்டத்தில் அடிக்கடி நிலச்சரிவு ஏற்படுகிறது. இந்த பிரச்சினைக்கு நிரந்தர தீர்வு காண அரசு உரிய நடவடிக்கை எடுக்க வேண்டும். வருகிற டிசம்பர் மாதத்திற்குள் குடகு மாவட்டத்தில் உள்ள சட்டசபை தொகுதிகளில் போட்டியிடும் காங்கிரஸ் வேட்பாளர்கள் யார் என்பது தெரியவரும். சிவமொக்காவில் நடந்த சம்பவத்திற்கு ஈசுவரப்பாவே காரணம். சட்டசபை தொகுதியில் நான் போட்டியிடுவது உறுதி. ஆனால் எந்த தொகுதி என்று இன்னும் முடிவு செய்யவில்லை.

    இவ்வாறு சித்தராமையா கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சித்தராமையா முஸ்லிம்கள் வசிக்கும் பகுதியில் வீரசாவர்க்கர் பேனர் வைத்தது தவறு என கருத்து தெரிவித்து இருந்தார்.
    • வீரசாவர்க்கர் புகைப்படங்களையும் சித்தராமையாவின் காரில் போராட்டக்காரர்கள் வீசினார்கள்.

    குடகு :

    சிவமொக்காவில் சுதந்திர தின பவள விழாவையொட்டி பா.ஜனதாவினர் வீரசாவர்க்கரின் படம் பொறித்த பேனர்களை வைத்திருந்தனர். இந்த நிலையில் அந்த பேனரில் இருந்த வீரசாவர்க்கரின் படத்தை கிழித்து ஒரு தரப்பினர் அகற்றினர். இதற்கு எதிர்ப்பு தெரிவித்து இந்து அமைப்பினர் திரண்டு வந்து போராட்டம் நடத்தினர். இதனால் இரு தரப்பினர் இடையே மோதல் உண்டாகும் அசாதாரண சூழல் நிலவியது. இதையடுத்து 144 தடை உத்தரவு அமல்படுத்தப்பட்டது.

    இந்த சம்பவம் தொடர்பாக கருத்து தெரிவித்த காங்கிரஸ் கட்சியின் மூத்த தலைவரும், சட்டசபை எதிர்க்கட்சி தலைவருமான சித்தராமையா, முஸ்லிம் மக்கள் வசிக்கும் பகுதியில் வீரசாவர்க்கர் படத்துடன் பேனர் வைத்தது தவறு என கருத்து தெரிவித்து இருந்தார். இதற்கு பா.ஜனதாவினர், இந்து அமைப்பினர் கடும் கண்டனம் தெரிவித்து இருந்தனர்.

    இந்த நிலையில், சித்தராமையா, மழை-வெள்ளத்தால் பாதிக்கப்பட்ட குடகு மாவட்டத்திற்கு நேற்று பாதிப்பு பகுதிகளை பார்வையிட காரில் மைசூரு வழியாக சென்றார். அவருக்கு குஷால்நகரில் குடகு மாவட்ட காங்கிரஸ் தலைவர்கள் உற்சாக வரவேற்பு அளித்தனர்.

    இதையடுத்து அவர் கோணிகொப்பா, முர்நாடு பகுதியில் மழை வெள்ள சேதங்களை பார்வையிட்டு ஆய்வு செய்தார். பாதிக்கப்பட்ட மக்களை சந்தித்து ஆறுதல் கூறினார். அதன்பிறகு சித்தராமையா மடிகேரிக்கு சென்றார். அங்கிருந்து திதிமதி பகுதியில் மழை-வெள்ள பாதிப்புகளை பார்வையிட சித்தராமையா காரில் புறப்பட்டு சென்றார்.

    ஆனால் அவரது வருகைக்கு எதிர்ப்பு தெரிவித்தும், வீரசாவர்க்கர் படம் விவகாரத்தில் அவர் தெரிவித்த கருத்தை கண்டித்தும் திதிமதியில் பா.ஜனதாவினர் ஏராளமானோர் சாலையின் இருபுறமும் திரண்டு வந்து போராட்டம் நடத்தினர். சித்தராமையா கார் அருகில் வந்ததும் போராட்டக்காரர்கள், 'கோ-பேக் சித்தராமையா'... 'கோ-பேக் சித்தராமையா' என்று ஆவேசமாக கோஷம் எழுப்பினர். இதனால் அங்கு பரபரப்பு ஏற்பட்டது.

    இருப்பினும் சித்தராமையா அங்கிருந்து காரில் திதிமதி நகருக்குள் செல்ல முயன்றார். அப்போது சித்தராமையா கார் மீது முட்டை வீசப்பட்டது. மேலும், வீரசாவர்க்கர் புகைப்படங்களையும் சித்தராமையாவின் காரில் போராட்டக்காரர்கள் வீசினார்கள். இந்த சம்பவங்களால் அந்தப்பகுதியில் பரபரப்பும், பதற்றமும் நிலவியது.

    அப்போது போராட்டத்தில் ஈடுபட்ட பா.ஜனதாவினர், சித்தராமையாவை கலவரத்தை தூண்டி விடுபவர் என்றும், குடகில் கலவரத்தை தூண்டிவிட வந்திருப்பதாகவும் கூறி கோஷம் எழுப்பினர். பா.ஜனதாவினரின் செயலை கண்டித்து அந்தப்பகுதியில் காங்கிரஸ் கட்சியினரும் போராட்டத்தில் ஈடுபட்டனர். இதனால் இருதரப்பினர் இடையே தள்ளுமுள்ளு ஏற்பட்டது. மேலும் மோதல் ஏற்படும் சூழ்நிலையும் ஏற்பட்டது.

    இதையடுத்து போலீஸ் சூப்பிரண்டு அய்யப்பா தலைமையில் போலீசார் விரைந்து வந்து இருதரப்பினரையும் சமாதானப்படுத்தி அங்கிருந்து கலைந்து செல்ல வைத்தனர். பின்னர் சித்தராமையா கார் அங்கிருந்து போலீஸ் பாதுகாப்புடன் புறப்பட்டு சென்றது. இந்த சம்பவத்தால் குடகில் தொடர்ந்து பதற்றமான சூழல் நிலவுவதால் பலத்த போலீஸ் பாதுகாப்பு போடப்பட்டுள்ளது. மேலும் சித்தராமையா சென்ற இடங்களிலும் பாதுகாப்பு அதிகரிக்கப்பட்டு இருந்தது.

    பா.ஜனதா மற்றும் இந்து அமைப்பினரின் இந்த செயலுக்கு கர்நாடக காங்கிரஸ் கட்சி கடும் கண்டனம் தெரிவித்துள்ளது. மாநிலத்தில் எதிர்க்கட்சி தலைவருக்கே பாதுகாப்பு இல்லாத சூழல் நிலவுவதாகவும் குற்றம்சாட்டி உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மங்களூருவில் பிரவீன் நெட்டார் கொலையை கண்டித்து பா.ஜனதாவினரே போராட்டம் நடத்துகிறார்கள்.
    • இந்த ஆட்சியில் சட்டம்-ஒழுங்கு முழுவதுமாக சீர்குலைந்துவிட்டது.

    பெங்களூரு :

    கர்நாடக சட்டசபை எதிர்க்கட்சி தலைவர் சித்தராமையா பெங்களூருவில் நேற்று நிருபர்களுக்கு பேட்டி அளிக்கையில் கூறியதாவது:-

    மூத்த மந்திரி மாதுசாமி, 'அரசு செயல்படவில்லை, நாங்கள் இந்த அரசை தள்ளி கொண்டு செல்கிறோம்' என்று கூறியுள்ளார். முதல்-மந்திரி பசவராஜ் பொம்மை இந்த உண்மையை மூடிமறைக்க, மாதுசாமிக்கு எதிராக சில மந்திரிகளை ஏவி விட்டுள்ளார். மந்திரிகள் எஸ்.டி.சோமசேகர், முனிரத்னா ஆகியோர் மாதுசாமிக்கு எதிராக கடும் விமர்சனத்தை முன்வைத்துள்ளனர்.

    பசவராஜ் பொம்மை இதையெல்லாம் வேடிக்கை பார்த்து கொண்டு இருக்கிறார். இந்த அரசு உயிருடன் தான் உள்ளது என்று சொல்ல முடியுமா?. இந்த அரசுக்கு பசவராஜ் பொம்மை தலைமை தாங்கியுள்ளாரா? என்று கருத முடியுமா?. இந்த ஆட்சியில் சட்டம்-ஒழுங்கு முழுவதுமாக சீர்குலைந்துவிட்டது.

    மங்களூருவில் பிரவீன் நெட்டார் கொலையை கண்டித்து பா.ஜனதாவினரே போராட்டம் நடத்துகிறார்கள். மந்திரி ஸ்ரீராமுலு என்னை விமர்சித்துள்ளார். அதுபற்றி நான் பேச மாட்டேன். அவரை துணை முதல்-மந்திரியாக ஆக்குவதாக கூறினர். அதை பா.ஜனதா செய்யவில்லை. வால்மீகி சமூகத்திற்கு இட ஒதுக்கீடு அதிகரிக்க கோரி அந்த சமூக மடாதிபதிகள் போராட்டம் நடத்தி வருகிறார்கள்.

    இவ்வாறு சித்தராமையா கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கர்நாடகத்தில் பா.ஜனதா அரசு ஊழலில் திளைத்து வருகிறது.
    • ராகுல் காந்தி நினைத்திருந்தால் பிரதமராகி இருக்க முடியும்.

    பெங்களூரு :

    முன்னாள் முதல்-மந்திரியும், கர்நாடக சட்டசபை எதிர்க்கட்சி தலைவருமான சித்தராமையாவுக்கு நேற்று 75-வது பிறந்த நாள் ஆகும். இதையொட்டி அவரது பிறந்த நாள் பவள விழா தாவணகெரேயில் பிரமாண்டமான முறையில் நேற்று நடைபெற்றது. இதில் அகில இந்திய காங்கிரஸ் முன்னாள் தலைவர் ராகுல் காந்தி, மாநில காங்கிரஸ் தலைவர் டி.கே.சிவக்குமார், முன்னாள் மந்திரிகள் ஆர்.வி.தேஷ்பாண்டே, தினேஷ்குண்டுராவ் உள்பட காங்கிரஸ் தலைவர்கள் கலந்து கொண்டனர். இதில் சித்தராமையா ஏற்புரை நிகழ்த்தினார். அவர் பேசியதாவது:-

    நான் எனது பிறந்த நாளை கொண்டாடுவது இல்லை. ஆனால் எனது ஆதரவாளர்கள், நலம் விரும்பிகள் விரும்பி இந்த பிறந்த நாள் விழாவுக்கு ஏற்பாடு செய்துள்ளனர். எனக்கும், மாநில காங்கிரஸ் தலைவர் டி.கே.சிவக்குமாருக்கும் இடையே கருத்து வேறுபாடு இருப்பதாக பா.ஜனதாவினர் தவறான தகவலை பரப்பி வருகிறார்கள். ஆனால் எங்களிடையே எந்த கருத்து வேறுபாடும் இல்லை. நாங்கள் ஒற்றுமையாக தான் இருக்கிறோம்.

    தன்னை தேடி வந்த பிரதமர் பதவியை சோனியா காந்தி தியாகம் செய்தார். ராகுல் காந்தி நினைத்திருந்தால் பிரதமராகி இருக்க முடியும். ஆனால் அவர் அந்த பதவி மீது ஆசைப்படவில்லை. ஆனால் பொய் வழக்கில் சோனியா காந்தி மற்றும் ராகுல் காந்திக்கு மத்திய அரசு அமலாக்கத்துறை மூலம் தொல்லை தருகிறது.

    காங்கிரஸ் கட்சியை அழிக்க வேண்டும் என்று பிரதமர் மோடி முயற்சி செய்து வருகிறார். ஆனால் அவரால் காங்கிரசை அழிக்க முடியாது. அரசியல் சாசனத்தை மாற்ற மக்கள் அனுமதிக்க மாட்டார்கள். நாட்டின் பொருளாதாரம் சீர்குலைந்துவிட்டது. ஊழல் அதிகரித்துவிட்டது.

    மோடி பிரதமரான பிறகு நாட்டின் கடன் சுமை ரூ.150 லட்சம் கோடியாக அதிகரித்துவிட்டது. விவசாயிகளுக்கு எதிரான சட்டங்களை மத்திய அரசு கொண்டு வந்தது. விவசாயிகள் தொடர்ந்து போராட்டம் நடத்தியதால் அந்த சட்டங்களை மத்திய அரசு வேறு வழியில்லாமல் வாபஸ் பெற்றது. ஆனால் கர்நாடகத்தில் அத்தகைய சட்டங்களை இந்த அரசு இன்னும் வாபஸ் பெறவில்லை.

    கடந்த 8 ஆண்டுகளில் மத்திய அரசு எதையும் செய்யவில்லை. கர்நாடகத்தில் பா.ஜனதா அரசு ஊழலில் திளைத்து வருகிறது. 40 சதவீத கமிஷன் கொடுத்தால் மட்டுமே ஒப்பந்ததாரர்களுக்கு பணம் பட்டுவாடா செய்யப்படுகிறது. 40 சதவீத கமிஷனால் ஒப்பந்ததாரர் சந்தோஷ் பட்டீல் என்பவர் தற்கொலை செய்து கொண்டார். இதனால் மந்திரி பதவியை ஈசுவரப்பா ராஜினாமா செய்தார்.

    இந்த பா.ஜனதா அரசை தூக்கி எறிய மக்கள் முடிவு செய்துவிட்டனர். கர்நாடகத்தில் ராகுல் காந்தி தலைமையில் சட்டசபை தேர்தலை எதிர்கொண்டு வெற்றி பெறுவோம். அதன் பிறகு அமையும் காங்கிரஸ் நல்லாட்சி நிர்வாகத்தை வழங்கும். தட்சிண கன்னடாவில் இந்து, முஸ்லிம் இளைஞர்கள் கொலை செய்யப்பட்டனர். ஆனால் கொலையான இந்து பிரமுகரின் வீட்டிற்கு மட்டும் முதல்-மந்திரி பசவராஜ் பொம்மை சென்றுவிட்டு நிவாரணம் வழங்கினார். முஸ்லிம் இளைஞர்களின் வீடுகளுக்கு செல்லவில்லை. அவர் இந்துக்களுக்கு மட்டும் முதல்-மந்திரியா?. முதல்-மந்திரி பதவியில் நீடிக்கும் தகுதியை பசவராஜ் பொம்மை இழந்துவிட்டார்.

    இவ்வாறு சித்தராமையா பேசினார்.

    இதில் கர்நாடகம் முழுவதும் இருந்து சுமார் 5 லட்சம் பேர் கலந்துகொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மக்களின் நலனில் இந்த அரசுக்கு அக்கறை இல்லை.
    • வருகிற சட்டசபை தேர்தலில் காங்கிரஸ் வெற்றி பெறும்.

    பெங்களூரு :

    தாவணகெரேயில் எனது பிறந்த நாள் விழா நாளை (இன்று) நடக்கிறது. இந்த விழாவை நான் நடத்தவில்லை. எனது ஆதரவாளர்கள், நலம் விரும்பிகள் இணைந்து இந்த விழாவுக்கு ஏற்பாடு செய்துள்ளனர். 75 வயதை அடைவது என்பது வாழ்க்கையில் ஒரு முக்கியமான கட்டம். இதை கருத்தில் கொண்டு விழா ஏற்பாடு செய்யப்பட்டுள்ளது. எனது பலத்தை நிரூபிக்க வேண்டும் என்பதற்காக இந்த விழா நடைபெறுவதாக கூறுவது தவறு.

    எங்கள் கட்சியில் அணி அரசியல் கிடையாது. சோனியா காந்தி, ராகுல் காந்தி தலைமையில் ஒரே அணியாக நாங்கள் செயல்பட்டு வருகிறோம். எனது ஆதரவாளர்கள், நான் அடுத்த முதல்-மந்திரி என்று சொல்கிறார்கள். காங்கிரஸ் வெற்றி பெற்றால் யார் முதல்-மந்திரி ஆவார் என்பது எனக்கு தெரியாது. தட்சிண கன்னடா மாவட்டத்தில் தொடர்ந்து கொலைகள் நடைபெற்று வருகின்றன.

    முதல்-மந்திரி பசவராஜ் பொம்மை, கொலையான பா.ஜனதா பிரமுகரின் குடும்பத்தினரை நேரில் சந்தித்து ஆறுதல் கூறி நிவாரணம் வழங்கியுள்ளார். ஆனால் அதே பகுதியில் கொலையான முஸ்லிம் பிரமுகரின் குடும்பத்தினரை அவர் சந்திக்கவில்லை. அரசு இவ்வாறு பாரபட்சமாக நடந்து கொள்வது சரியல்ல. அனைவரையும் அரசு சமமாக பார்க்க வேண்டும்.

    கர்நாடகத்தில் மழை காரணமாக பல்வேறு பகுதிகளில் வெள்ளம் ஏற்பட்டுள்ளன. ஆனால் இந்த எந்த நிவாரண பணிகளையும் மேற்கொள்ளாமல் அமைதியாக உள்ளது. மக்களின் நலனில் இந்த அரசுக்கு அக்கறை இல்லை. இந்த அரசு மாற்றப்பட வேண்டும். வருகிற சட்டசபை தேர்தலில் காங்கிரஸ் வெற்றி பெறும்.

    இவ்வாறு சித்தராமையா கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பசவராஜ் பொம்மை ஆர்.எஸ்.எஸ். அமைப்பு கூறுவது போல் செயல்படுகிறார்.
    • கொலையாளிகள் யாராக இருந்தாலும் அவர்களை கைது செய்ய வேண்டும்.

    பெங்களூரு :

    கர்நாடக சட்டசபை எதிர்க்கட்சி தலைவர் சித்தராமையா தனது டுவிட்டர் பக்கத்தில் வெளியிட்டுள்ள பதிவில் கூறியிருப்பதாவது:-

    தட்சிண கன்னடாவில் சமீப காலமாக நடைபெற்று வரும் கொலைகளுக்கும், சங்பரிவார் அமைப்புகளின் உள் விவகாரங்களுக்கும் தொடர்பு இருப்பது போல் தெரிகிறது. இதையும் மனதில் வைத்து போலீசார் விசாரணை நடத்தினால் உண்மைகள் வெளிவரும். கொலையான பிரவீன் நெட்டார் இறுதி ஊர்வலத்தில் கலந்துகொள்ள வந்த பா.ஜனதா தலைவர் நளின்குமார் கட்டீல், மந்திாி சுனில்குமார் ஆகியோருக்கு எதிராக அங்கு இருந்தவர்கள் பொங்கி எழுந்து ஆக்ரோஷத்தை வெளிப்படுத்தினர். இதற்கான காரணத்தையும் போலீசார் கண்டறிய வேண்டும்.

    நளின்குமார் கட்டீல் கார் டிரைவராக பிரவீன் நெட்டார் சிறிது காலம் பணியாற்றியுள்ளார். அதன் பிறகு அந்த பணியை அவர் கைவிட்டுள்ளார். அவர் நளின்குமார் கட்டீலை விட்டு விலகி சென்றது ஏன் என்பது குறித்து விசாரணை நடத்தினால் கொலையாளிகள் யார் என்பதை கண்டறிய முடியும். இந்துக்கள் இறந்தால் முஸ்லிம்கள் மீதும், முஸ்லிம்கள் இறந்தால் இந்துக்கள் மீதும் சந்தேகப்படுவது வழக்கமாகிவிட்டது.

    இதே நோக்கத்தில் விசாரணை நடத்தினால் கொலைக்கான உண்மை காரணம் மூடி மறைக்கப்பட்டுவிடும். கொலையாளிகள் யாராக இருந்தாலும் அவர்களை கைது செய்து சிறையில் அடைக்க வேண்டும். ஏதாவது அமைப்புகள் சட்ட விரோதமாக செயல்பட்டால் அவற்றை தடை செய்யவும் திடமான நடவடிக்கை எடுக்க வேண்டும். தட்சிண கன்னடா மாவட்டத்தில் பின்தங்கிய சாதி அதிலும் பில்லவ சமூகத்தை சேர்ந்த இளைஞர்களே மத பிரச்சினையில் பலியாகி வருகிறார்களே ஏன்?.

    பசவராஜ் பொம்மை பா.ஜனதா தொண்டர்களுக்கு மட்டும் முதல்-மந்திரியா? அல்லது ஒட்டுமொத்த 6 கோடி கன்னடர்களுக்கு முதல்-மந்திரியா? என்பதை கூற வேண்டும். பிரவீன் நெட்டார் வீட்டிற்கு சென்று ஆறுதல் கூறிய முதல்-மந்திரி மசூத் வீட்டிற்கு சென்று ஆறுதல் கூறாதது ஏன்?. பசவராஜ் பொம்மை ஆர்.எஸ்.எஸ். அமைப்பு கூறுவது போல் செயல்படுகிறார்.

    இவ்வாறு சித்தராமையா குறிப்பிட்டுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கர்நாடக சட்டசபைக்கு அடுத்த ஆண்டு (2023) தேர்தல் நடக்கிறது.
    • கர்நாடகத்தில் பா.ஜனதா குறுக்கு வழியில் ஆட்சிக்கு வந்தது.

    பெங்களூரு:

    முன்னாள் முதல்-மந்திரியும், சட்டசபை எதிர்க்கட்சி தலைவருமான சித்தராமையா பெங்களூருவில் நிருபர்களுக்கு பேட்டி அளிக்கையில் கூறியதாவது:-

    கர்நாடக சட்டசபைக்கு அடுத்த ஆண்டு (2023) தேர்தல் நடக்கிறது. இதில் பா.ஜனதாவை தோற்கடிப்பதற்காக போட்டியிடுகிறேன். அதுவே எனது கடைசி தேர்தல். அதன் பிறகு தேர்தலில் போட்டியிட மாட்டேன். 79 வயதுக்கு பிறகு தீவிர அரசியலில் ஈடுபடுவது கடினம். அவ்வாறு தீவிர அரசியலில் ஈடுபட உடல்நிலை நன்றாக இருக்க வேண்டும்.

    முதல்-மந்திரி பதவி மீது ஆசை இல்லை என்று சொல்ல மாட்டேன். மக்கள், எம்.எல்.ஏ.க்கள் விரும்பினால் மீண்டும் முதல்-மந்திரி ஆவேன். டி.கே.சிவக்குமார் முதல்-மந்திரி பதவி மீது ஆசைப்படுவதிலும் தவறு இல்லை. எம்.எல்.ஏ.க்கள் மற்றும் கட்சி மேலிடத்தின் ஆதரவு இருந்தால் முதல்-மந்திரி ஆக முடியும். எனக்கு 75 வயது நிறைவடைவதால் எனது ஆதரவாளர்கள் பிறந்த நாளை கொண்டாட முடிவு செய்துள்ளனர். இதில் ராகுல் காந்தி கலந்துகொள்கிறார். நான் முதல்-மந்திரியாக வேண்டும் என்ற நோக்கத்தில் இந்த விழாவுக்கு ஏற்பாடு செய்யவில்லை.

    அவ்வாறு கூறி ஊடகங்கள் தான் விவாதத்தை ஏற்படுத்துகின்றன. எடியூரப்பா கூட 75-வது பிறந்த நாளை கொண்டாடினார். அதில் நானும் கலந்து கொண்டேன். அப்போது அதுகுறித்து யாரும் விவாதிக்கவில்லை. எனது பிறந்த நாள் கொண்டாட்டத்தை மட்டும் பெரிய அளவில் விவாதிப்பது ஏன்?. கர்நாடகத்தில் பா.ஜனதா குறுக்கு வழியில் ஆட்சிக்கு வந்தது.

    ஆனால் நான் மக்களின் ஆதரவை பெற்று 5 ஆண்டுகள் ஆட்சி செய்தேன். மதவாத கட்சி பா.ஜனதாவை தோற்கடிக்க வேண்டும் என்பதே எனது நோக்கம். பா.ஜனதா மதத்தின் அடிப்படையில் ஆட்சி நடத்துகிறது. நான் சாமுண்டீஸ்வரி தொகுதியில் போட்டியிட மாட்டேன். நான் போட்டியிடுமாறு 15 தொகுதிகளை சேர்ந்த எங்கள் கட்சி நிர்வாகிகள் கோரிக்கை விடுத்துள்ளனர். எந்த தொகுதியில் போட்டியிடுவது என்பது குறித்து நான் இன்னும் முடிவு செய்யவில்லை.

    நான் எனது தனிப்பட்ட தேவைக்காக எப்போதும் முதல்-மந்திரியிடம் பேசியது இல்லை. பொது பிரச்சினைகளுக்காக முதல்-மந்திரியை தொடர்பு கொண்டு பேசி உதவிகளை கேட்டுள்ளேன். எனது பிறந்த நாள் விழாவுக்கு ரூ.75 கோடி செலவு செய்யப்படுவதாக கூறப்படும் தகவல் தவறானது. விழாக்குழு பொருளாளர் உள்ளார். அவரை கேட்டால் எவ்வளவு செலவு செய்யப்படுகிறது என்பது தெரியவரும்.

    இவ்வாறு சித்தராமையா கூறினார்.

    சட்டசபை தேர்தலில் காங்கிரஸ் வெற்றி பெற்றால் முதல்-மந்திரி பதவியை பிடிக்க வேண்டும் என்பதில் சித்தராமையா மற்றும் டி.கே.சிவக்குமார் ஆகியோர் இடையே கடும் போட்டி எழுந்துள்ளது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தினமும் ஊடகங்களை பார்த்தால் ஏதாவது ஒரு முறைகேடு குறித்த செய்தி இடம் பெற்றுள்ளது.
    • அரசு அலுவலகங்களில் புகைப்படம், வீடியோ எடுக்க கூடாது என்று கர்நாடக அரசு உத்தரவிட்டுள்ளது.

    பாகல்கோட்டை:

    கர்நாடக சட்டசபை எதிர்க்கட்சி தலைவர் சித்தராமையா பாகல்கோட்டையில் நேற்று நிருபர்களுக்கு பேட்டி அளிக்கையில் கூறியதாவது:-

    கர்நாடக பா.ஜனதா ஆட்சியில் 40 சதவீத கமிஷன், சப்-இன்ஸ்பெக்டர் நியமன தேர்வு முறைகேடு உள்பட 100-க்கும் மேற்பட்ட முறைகேடுகள் பகிரங்கமாகியுள்ளன. தினமும் ஊடகங்களை பார்த்தால் ஏதாவது ஒரு முறைகேடு குறித்த செய்தி இடம் பெற்றுள்ளது. நாடாளுமன்ற கூட்டத்தில் உறுப்பினர்கள் பயன்படுத்த கூடாத வார்த்தைகளை பட்டியலிட்டு மத்திய அரசு வெளியிட்டுள்ளன.

    அதில் ஊழல், வெட்கக்கேடு, நாடகம், திறனற்றவர் போன்ற பல்வேறு வார்த்தைகளை பயன்படுத்த தடை விதிக்கப்பட்டுள்ளது. அத்துடன் நாடாளுமன்ற வளாகத்தில் எதிர்க்கட்சிகள் போராட்டம் நடத்தவும் தடை விதிக்கப்பட்டுள்ளது. மத்திய-மாநில பா.ஜனதா அரசுகளின் இந்த நடவடிக்கை தங்களின் தவறுகளை மூடிமறைக்கும் கோழைத்தனமான செயல் ஆகும்.

    அதே போல் அரசு அலுவலகங்களில் புகைப்படம், வீடியோ எடுக்க கூடாது என்று கர்நாடக அரசு உத்தரவிட்டுள்ளது. தவறான நோக்கத்தில் படம் எடுப்பவர்கள் மீது நடவடிக்கை எடுக்க சட்டம் உள்ளது. அதனால் அரசு பிறப்பித்துள்ள இந்த உத்தரவு அரசு ஊழியர்களை காக்கும் நோக்கம் கொண்டது அல்ல. அது தனது ஊழல்களை மூடிமறைக்கும் நோக்கத்தில் உத்தரவு பிறப்பிக்கப்பட்டுள்ளது.

    இந்த உத்தரவை அரசு வாபஸ் பெற வேண்டும். அரசின் இந்த உத்தரவால் ஊழல் செய்யும் அதிகாரிகள் மகிழ்ச்சி அடைவார்கள். நேர்மையாக பணியாற்றும் அதிகாரிகள் மற்றும் ஊழியர்கள் மீது தாக்குதல்களை தடுக்க கண்காணிப்பு கேமராக்களை பொருத்த வேண்டும். போலீசார் மாமுல் வசூலிப்பதாக போலீஸ் மந்திரி அரக ஞானேந்திரா கூறினார்.

    ஊழல் தடுப்பு படை பணம் வசூலிக்கும் படையாக உள்ளதாக ஐகோர்ட்டு கடும் அதிருப்தியை தெரிவித்தது. கர்நாடகத்தில் அரசு அலுவலகங்களில் லஞ்சம் கொடுக்காமல் எந்த வேலையும் நடப்பது இல்லை. அரசு அலுவலகங்களில் கோப்புகள் மீது நடவடிக்கை எடுக்கப்படாமல் தேங்கி கிடக்கின்றன. இவ்வாறு சித்தராமையா கூறினார்.

    • Whatsapp
    • Telegram
    • Linkedin
    • Print