பா.ஜ.க.வில் சேர்ந்திருந்தால் லாலு சிறைக்கு சென்றிருக்க மாட்டார்: சமாஜ்வாடி கட்சி கருத்து

லக்னோ:

கால்நடை தீவன ஊழலில் பீகார் முன்னாள் முதல் மந்திரி லாலு பிரசாத் யாதவுக்கு விதிக்கப்பட்ட மூன்றரை ஆண்டு சிறை தண்டனை பற்றி உ.பி. முன்னாள் முதல் மந்திரி அகிலேஷ் யாதவிடம் இன்று பத்திரிகையாளர்கள் கருத்து கேட்டனர். அதற்கு பதிலளித்த அகிலேஷ் யாதவ், பா.ஜ.க. லாலுவுக்கு அநீதி இழைத்து விட்டதாக தெரிவித்தார். 

அகிலேஷ் யாதவுடன் இருந்த சமாஜ்வாடி கட்சி தேசிய பொதுச்செயலாளர் ராம்சங்கர் வித்யார்தி, ’பா.ஜ.க.வின் சதிவலையில் லாலு சிக்கி விட்டார். பா.ஜ.க.வில் சேர்ந்திருந்தால் அவர் சிறைக்கு சென்றிருக்க மாட்டார்.

அவருக்கு ஐகோர்ட்டில் நீதி கிடைக்கும் என உறுதியாக நம்புகிறேன். பா.ஜ.க.வை வீழ்த்த அனைத்து எதிர்கட்சிகளும் ஒன்றிணைய வேண்டிய நேரம் இது’ என குறிப்பிட்டார். #tamilnews #lalu #Akhilesh