மீரா குமார் எப்படி பட்டவர் தெரியுமா?: சுஷ்மா சுவராஜ் டுவிட்டரில் வெளியிட்ட வீடியோ

புதுடெல்லி:

பா.ஜ.க. கூட்டணி சார்பில் பீகார் ஆளுநராக இருந்த ராம்நாத் கோவிந்த் ஜனாதிபதி வேட்பாளராக நிறுத்தப்பட்டுள்ளார். அவருக்கு எதிராக எதிர்க்கட்சிகள் சார்பில் ஜனாதிபதி வேட்பாளராக முன்னாள் சபாநாயகர் மீரா குமார் அறிவிக்கப்பட்டார். 

இந்நிலையில், ஜனாதிபதி வேட்பாளராக அறிவிக்கப்பட்டுள்ள மீரா குமார் பற்றி மத்திய வெளியுறவுத் துறை மந்திரி சுஷ்மா சுவராஜ் சுவாரஸ்சியமான வீடியோ ஒன்றினை தனது டுவிட்டர் பக்கத்தில் பதிவிட்டுள்ளார். 

2013-ம் ஆண்டு மீராக்குமார் மக்களவை சபாநாயகராக இருந்த போது சுஷ்மா சுவராஜ் நாடாளுமன்ற உறுப்பினராக இருந்தார். அப்போது, மக்களவையில் மீராகுமார் முன்னிலையில் சுஷ்மா பேச முற்பட்ட போது அதற்கு இடையூறு செய்வது போன்ற வீடியோவை தான் அவர் பதிவிட்டுள்ளார். 

எதிர்கட்சி உறுப்பினர்களை மீராக்குமார் இப்படி தான் நடத்தினார் என்றும் 6 நிமிட எனது உரையில் 60 முறை அவர் குறுக்கிட்டார் என்றும் தனது டுவிட்டர் பக்கத்தில் குறிப்பிட்டிருந்தார்.