தர்மபுரி டவுன் பஸ் நிலையத்தில் தமிழக அரசின் சாதனை விளக்க புகைப்பட கண்காட்சி

தர்மபுரி:

தர்மபுரி மாவட்ட செய்தி மக்கள் தொடர்பு துறை சார்பில் தமிழக அரசின் சாதனை விளக்க புகைப்பட கண்காட்சி தர்மபுரி டவுன் பஸ் நிலைய வளாகத்தில் நடைபெற்றது. இந்த கண்காட்சியில் தமிழக அரசின் சார்பில் நிறைவேற்றப்படும் மக்கள் நலத்திட்டங்கள், விலையில்லா திட்டங்கள் ஆகியவற்றின் புகைப்படங்கள், அரசு விழாக்களின் புகைப்படங்கள், தர்மபுரி மாவட்டத்தில் நடைபெற்ற எம்.ஜி.ஆர். நூற்றாண்டு விழா புகைப்படங்கள், முதல்-அமைச்சர், அமைச்சர்கள் பங்கேற்ற விழாக்களின் புகைப்படங்கள் வைக்கப்பட்டிருந்தன.

கண்காட்சியை ஏராளமான பயணிகள் மற்றும் பஸ் நிலையத்திற்கு வந்து சென்ற பொதுமக்கள் பார்வையிட்டனர். இந்த கண்காட்சிக்கான ஏற்பாடுகளை செய்தி மக்கள் தொடர்பு அலுவலர் பாரதிதாசன், உதவி செய்தி மக்கள் தொடர்பு அலுவலர்கள் சதீஷ், ஜனார்த்தனன் மற்றும் அலுவலர்கள் செய்து இருந்தனர்.