செய்திகள்
தமிழகத்தில் வாக்காளர் பட்டியல் சுருக்கத் திருத்தப் பணி காலம் நீட்டிப்பு
தமிழகத்தில் வாக்காளர் பட்டியல் சுருக்கத் திருத்தப் பணிகளுக்கான காலத்தை டிசம்பர் 15-ந் தேதி வரை நீட்டித்து இந்திய தேர்தல் கமிஷன் உத்தரவிட்டுள்ளது.
சென்னை:
தமிழகத்தில் வாக்காளர் பட்டியல் சுருக்கத் திருத்தப் பணிகள் பொதுவாக அக்டோபர் மாதத்துக்குள் நிறைவு பெற்றுவிடும். ஆனால் இந்த ஆண்டு இந்தப் பணிக் காலத்தை மேலும் ஒரு மாதத்துக்கு அதாவது நவம்பர் இறுதிவரை நீட்டித்து இந்திய தேர்தல் கமிஷன் ஏற்கனவே உத்தரவிட்டு இருந்தது.
ஆனால் வீடு, வீடாகச் சென்று வாக்காளர் பட்டியலை சரிபார்க்கும் பணி முடியாமல் இருப்பதால், வாக்காளர் பட்டியல் சுருக்கத் திருத்தப் பணிகளுக்கான காலத்தை, டிசம்பர் 15-ந் தேதிவரை நீட்டித்து உத்தரவிடப்பட்டுள்ளது. இந்த உத்தரவு, தமிழக அரசிதழில் வெளியிடப்பட்டுள்ளது.