நாமக்கல் மாவட்டத்தில் 200 போலீசார் இடமாற்றம்

நாமக்கல்:

நாமக்கல் மாவட்டத்தில் 26 போலீஸ் நிலையங்கள் உள்ளன.

இங்கு பணியாற்றும் உதவி ஆய்வாளர்கள், தலைமை காவலர்கள் மற்றும் காவலர்கள் 3 வருடத்திற்கு ஒருமுறை அரசு உத்தரவு படி இடமாற்றம் செய்யப்படுவது வழக்கம்.

அதன்படி நாமக்கல் மாவட்டத்தில் உள்ள 200- க்கும் மேற்பட்ட போலீசார் இடமாற்றம் செய்யப்பட்டனர்.

இதையடுத்து பணிமாற்றம் செய்யப்பட்ட இடத்திற்கு செல்லாமல் பெரும்பாலான போலீசார் அதே காவல் நிலையத்தில் பணியாற்றி வருவதாக கூறப்படுகிறது. இதனால் பணிமாற்றத்தை எதிர்பார்த்த போலீசார் தவித்து வருகின்றனர்.