பிறந்த நட்சத்திரத்தில் திருமணம் செய்யலாமா?

ஆண்கள் ஜென்ம நட்சத்திரமன்று திருமணம் செய்து கொள்ளக் கூடாது. பெண்கள் ஜென்ம நட்சத்திரமன்று திருமணம் செய்து கொள்ளலாம். ராகு, கேதுக்கள், புதன், சனி ஆகியவற்றின் ஆதிக்க நாட்களிலும் எண்கணித அடிப்படையில் திருமணத் தேதிகள் அமையுமேயானால் தம்பதியருக்குள் தகராறுகள் அதிகரிக்கும்.

தனவரவில் தடைகள் உருவாகும். நிம்மதி குறையும். நிகழவேண்டிய சுபகாரியம் தாமதப்படும். குழந்தைகள் பிறப்பதில் தாமதம் ஏற்படும். எனவே மண்டபத்திற்கேற்ற நாள் பார்ப்பதை விட நமக்கு ஏற்ற நாளில் மண்டபம் அமைவதை மேற்கொண்டால் நல்ல வாழ்க்கை அமையும்.

இருமனம் இணையும் திருமணத்தால் பெருமைகள் வந்து சேரும். இல்லையேல் மறுமாங்கல்ய பூஜை மூலமே மன மகிழ்ச்சி அடைய முடியும்.