சினிமா
ரஜினி பிறந்தநாளை முன்னிட்டு ரசிகர்களுக்கு விருந்தளிக்கும் பேட்ட படக்குழு
கார்த்திக் சுப்புராஜ் இயக்கத்தில் ரஜினிகாந்த் நடிப்பில் உருவாகி இருக்கும் `பேட்ட' படத்தின் பாடல்கள் ரஜினி பிறந்தநாளை முன்னிட்டு வெளியாக இருப்பதாக படக்குழு அறிவித்துள்ளது. #Petta #PettaAlbumParaak #Rajinikanth
கார்த்திக் சுப்புராஜ் இயக்கத்தில் ரஜினிகாந்த் நடிக்கும் பேட்ட படத்திக் படப்பிடிப்பு முடிந்து இறுதி கட்ட பணிகள் விறுவிறுப்பை எட்டியிருக்கும் நிலையில், படத்தின் இசை வெளியீட்டு விழா குறித்த அறிவிப்பை படக்குழு வெளியிட்டுள்ளது.
அனிருத் இசையில் படத்தில் இருந்து முதல் சிங்கிள் வருகிற டிசம்பர் 3-ஆம் தேதியும், இரண்டாவது சிங்கிள் 7-ஆம் தேதியும் வெளியாகிறது. அதனைத் தொடர்ந்து படத்தின் இசை வெளியீட்டு விழா ரஜினி பிறந்தநாளை முன்னிட்டு டிசம்பர் 9-ஆம் தேதி வெளியாக இருக்கிறது.
Forgot to add #PettaPongal2019 !! https://t.co/z8YcfLDh5E
— karthik subbaraj (@karthiksubbaraj) November 23, 2018
இதுகுறித்த தகவலை வெளியிட்டுள்ள படத்தின் இயக்குநர் கார்த்திக் சுப்புராஜ், படம் பொங்கலுக்கு ரிலீசாகிறது என்றும் குறிப்பிட்டுள்ளார். படத்தை பொங்கல் ரிலீஸில் இருந்து தள்ளிவைக்கும்படி தயாரிப்பாளர்கள் பலர் கேட்டுவந்ததாக நேற்று தகவல் வெளியாகிய நிலையில், கார்த்திக் சுப்புராஜின் ட்விட் படத்தின் ரிலீஸை உறுதிப்படுத்தியுள்ளது.
பேட்ட படத்தில் ரஜினியோடு விஜய்சேதுபதி, சசிகுமார், பாபிசிம்ஹா, நவாசுதீன் சித்திக், சிம்ரன், திரிஷா, மேகா ஆகாஷ் உள்ளிட்ட பலரும் நடித்துள்ளனர். #Petta #PettaAlbumParaak #Rajinikanth