22.1.2024 முதல் 28.1.2024 வரை
முட்டுக்கட்டைகள் அகலும் வாரம். ராசி அதிபதி செவ்வாய் தனம் வாக்கு குடும்ப ஸ்தானத்தில் சஞ்சரிப்பதால் குடும்பத்தில் நிலவிய குழப்பம் நீங்கி தெளிவு பிறக்கும். குடும்பத்தை விட்டுப் பிரிந்து சென்ற உறவுகள் மீண்டும் நட்பு கரம் நீட்டுவார்கள். விற்காமல் கிடந்த முன்னோர்கள் சொத்து விற்கும்.புதிய சொத்து வாங்கும் முயற்சி கைகூடும். உங்களின் முயற்சிக்கு மனைவியும், பிள்ளைகளும் ஆதரவாக இருப்பார்கள். சுப நிகழ்விற்கான அறிகுறி தென்படும். புகழ், அந்தஸ்து கவுரவம் நம்பிக்கை, நாணயம் உயரும். பிள்ளைகளின் எதிர்கால நலனுக்கு ஒரு தொகையை முதலீடு செய்வீர்கள்.
குலதெய்வத்தின் பரிபூரண அருள் கிடைக்கும். கடன் சுமை குறையும். வேற்று மொழி பேசுபவர்களால் நன்மைகள் தேடி வரும். சிலருக்கு அரசின் தொகுப்பு வீடு கிடைக்கும். 22.1.2024 அன்று பகல் 4.22 மணி முதல் 25.1.2024 அன்று நள்ளிரவு 1.47 மணி வரை சந்திராஷ்டமம் இருப்பதால் சிறு சிறு பிரச்சினைகள் இருந்தாலும் அதை சமாளிக்கும் ஆற்றல் பிறக்கும். சிலர் ஆயுள் காப்பீடு, ஹெல்த் இன்சூரன்ஸ், போன்ற பாலிசி எடுப்பார்கள். தைப்பூசத்தன்று பழனி முருகனை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406