19.2.2024 முதல் 25.2.2024 வரை
விருப்பங்கள் நிறைவேறும் வாரம். ராசி அதிபதி செவ்வாய் உச்சம். தொழில் ஸ்தான அதிபதி சூரியன் தன் வீட்டைத் தானே பார்க்கிறார். முக்கிய கிரகங்கள் சாதகமாக உள்ளதால் முயற்சிகளை நிறை வேற்றக் கூடிய நல்ல சந்தர்ப்பங்கள் கூடி வரும். வியாபாரத் துறையினருக்கு முன்னேற்றம் அதிகரிக்கும். அரசு சம்பந்தப்பட்ட முயற்சியில் சாதகமான பலன் எதிர்பார்க்கலாம். ராசி அதிபதி செவ்வாய், சுக்ரனுடன் சேர்ந்ததால் உண்ண உறங்க நேரமின்றி உழைப்பீர்கள்.குடும்ப உறுப்பினர்களால் சகாயமான பலன்கள் உண்டாகும். பழகிய வட்டாரத்தில் மதிப்பும், அந்தஸ்தும் கூடும். நிலுவையில் உள்ள சம்பள பாக்கிகள் வராக்கடன்கள் வசூலாகும். அரசு பொதுத் தேர்வு எழுதும் மாணவர்கள் புரிந்து படிப்பீர்கள். புதிய சொத்துக்கள், வாகனம் வாங்கி மகிழ்வீர்கள்.
சிலருக்கு அரசின் இலவச வீட்டுமனை கிடைக்கும். விவசாயிகள் வங்கி கடனை திரும்பச் செலுத்த கால அவகாசம் கிடைக்கும். தேக நலனில் நிலவிய குறைபாடுகள் அகலும். 21.2.2024 அன்று காலை 7.44 வரை சந்திராஷ்டமம் இருப்பதால் முக்கிய பணிகள் கால தாமதமாகும். மன சஞ்சலம் அதி கரிக்கும். மாசி மகத்தன்று சிவனுக்கு நெய் அபிசேகம் செய்து வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406