இந்தவார ராசிபலன்

11.3.2024 முதல் 17.3.2024 வரை

காரியசித்தி கிட்டும் வாரம். 4-ம் இடத்திற்கு செவ்வாய், சுக்ரன். சனி சம்பந்தம் இருப்பதால் உடன் பிறந்தவர்கள் மற்றும் தாயின் ஆதரவு சிறக்கும்.ஏலத்திற்கு போக விருந்த பூர்வீகச் சொத்து சித்தப்பாவின் முயற்சியால் காப்பாற்றப்படும். கடன் தொல்லை குறையும். ஜாமீன் வழக்கில் இருந்து முழுவதுமாக விடுபடுவீர்கள். சிகிச்சை பலன் தந்து ஆரோக்கிய குறைபாடுகள் அகலும். சிறு தொழில் மற்றும் சாலையோர வியாபாரிகளுக்கு தொழிலில் முன்னேற்றமும் உண்டாகும். உங்களின் அனைத்து முயற்சிக்கும் குடும்ப உறுப்பினர்கள் பக்க பலமாக இருப்பார்கள்.

பூர்வ புண்ணிய ஸ்தானத்தில் சூரியன் ராகு சம்பந்தம் பார்வை இருப்பதால் முன்னோர்களுக்கு பித்ரு கடன் செய்வீர்கள். விருச்சிக ராசி திருமண வயதினரின் வீட்டில் கெட்டி மேளம் ஒலிக்கும். புதிய சொத்துக்கள் வாங்கும் முயற்சி கைகூடும். 17.3.2024 காலை 4.21 மணிக்கு சந்தி ராஷ்டமம் ஆரம்பிப்பதால் பணம் கொடுக்கல் வாங்கலில் கவனம் தேவை. தொழில் தொடர்பான முக்கிய முடிவுகளை ஒத்திப் போடவும். தினமும் கந்த சஷ்டி கவசம் படித்து வர நற்பலன்கள் அதிகரிக்கும்.

`பிரசன்ன ஜோதிடர்'

ஐ.ஆனந்தி

செல்: 98652 20406