1.1.2024 முதல் 7.1.2024 வரை
தொழில் முன்னேற்றம் உண்டாகும் வாரம். ராசி அதிபதி செவ்வாய் தொழில் ஸ்தான அதிபதி சூரியனுடன் தன ஸ்தானத்தில் சஞ்சரிப்பதால் தொழில் ரீதியான அனுகூலம் உண்டாகும். சிறு வியாபாரிகளுக்கு மழையால் விற்காமல் தேங்கிய பொருட்கள் விற்பனையாகும். தொழிலுக்கு அரசு வழியில் எதிர்பார்த்த உதவிகள் கிடைக்கும்.பணி நீக்கம் செய்யப்பட்டவர்கள் மீண்டும் பணியில் சேரக்கூடிய வாய்ப்பு உருவாகலாம். திருமண வயதில் இருக்கும் பிள்ளைகளின் திருமண முயற்சி சாதகமாகும். பெற்றோர் வழியில் இருந்த எதிர்ப்புகள் அகலும். குடும்பத்துடன் குல தெய்வ வழியாடு செய்து மகிழ்வீர்கள். வாழ்க்கைத் துணையோடு ஏற்பட்ட மனப்போராட்டம் அகலும். விலகிய உறவுகள் வந்து சேருவார்கள். பெரிய மனிதர்களின் அறிமுகத்தால் கவுரவப் பதவிகள் கிடைக்கும் .
சிலர் சொத்தை அடமானம் வைத்து கடன் பெறலாம். கொடுத்த கடன்கள் வசூலாகும். பிள்ளைகளால் மகிழ்ச்சி அதிகரிக்கும். தடைபட்ட சுபகாரியங்கள் கைகூடும். பெண்களுக்கு ஆரோக்கியத்தில் முன்னேற்றம் உண்டாகும். கிருத்திகையன்று முருகனை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406