இந்தவார ராசிபலன்

11.12.2023 முதல் 17.12.2023 வரை

கருமமே கண்ணாக செயல்படும் வாரம். ராசி அதிபதி செவ்வாய் ஆட்சி. தொழில் ஸ்தான அதிபதி சூரியன் ராசி அதிபதியுடன் இணைவு என கோட்சார கிரகங்களின் செயல்பாடுகள் உங்களுக்கு சாதகமாக உள்ளது. புதிய தொழில் வாய்ப்புகளால் வருவாய் பெருகும்.வியாபார போட்டிகளை சூழ்நிலைக்கு ஏற்ப பேசி காரியம் சாதிப்பார்கள். அரச பதவி, அரசு உத்தியோகம், அரசு வகை ஆதரவு உண்டு. அரசுப்பணியில் உள்ளவர்களுக்கு அதிகாரிகளின் அன்பு மற்றும் ஆதரவால் பணி உயர்வு கிடைக்கும். சொத்து இல்லாதவர்களுக்கு புதிய வீடு, வாகன யோகம் உண்டாகும். கூட்டுக் குடும்பத்தில் மகிழ்ச்சி நிலவும். பஞ்சம ஸ்தான ராகுவால் வெளியூர், வெளிநாட்டு வாழ்க்கையில் விருப்பம் ஏற்படும்.

வேற்று மத நம்பிக்கை அதிகரிக்கும்.பெண்களுக்கு பிறந்த வீட்டு பாகப்பிரிவினை சொத்து, பணம், நகை கிடைக்கும். ஜாமீன் வழக்கு, செக் மோசடி வழக்கில் தீர்ப்பு சாதகமாகும். திருமணத்திற்கு நல்ல வரன் அமையும். கை கால் வலி மற்றும் உடல் உபாதைக்கு வைத்தியம் செய்வீர்கள். அமாவாசையன்று பால் அபிசேகம் செய்து சிவனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406