6.5.2024 முதல் 12.5.2024 வரை
சோதனைகள் சாதனைகளாக மாறும் வாரம். ராசி மற்றும் 10-ம் அதிபதி குரு முயற்சி ஸ்தானமான 3-ம்மிடத்தில் சஞ்சரிப்பதால் திட்டமிடாது செய்யும் காரியங்களில் கூட வெற்றி உண்டாகும்.
நல்ல தொழில் முன்னேற்றமும் லாபமும் கிடைக்கும். தொழிலில் புதிய பங்குதாரர்கள் வரலாம். பழைய பங்குதாரர்கள் வெளியேறலாம். நண்பர்களும் பங்குதாரர்களும் தொழில் வளர்ச்சிக்கு கைகொடுத்து உதவுவார்கள். தொழில் தொடர்பானவர்களுடன் நல்லிணக்கம் உண்டாகும். வேலையில் உள்ளவர்க ளுக்கு இடமாற்றம், சம்பள உயர்வு கிடைக்கும். கடன் சுமையை குறைக்க புதிய வழிகள் தென்படும்.அரசாங்க வேலை முயற்சி வெற்றி தரும். பெண்களுக்கு கணவன் வழி உறவினர்களின் ஆதரவு உண்டு.
7-ம் இடத்தை குரு பார்ப்பதால் களத்திர தோஷம் நீங்கி திருமணத்தடைகள் விலகும். உங்கள் குடும்பத்திற்கு நல்ல மருமகள், மருமகன் அமைவார்கள். சிலரின் சுய விருப்ப விவாகம் நிறைவேறும். பொது வாழ்வில் இருப்பவர்களுக்கு பொறுப்புகளும் பதவிகளும் கிடைக்கலாம். அமாவாசை அன்று தண்ணீருடன் இட்லி தானம் வழங்குவது நல்லது.
'பிரசன்ன ஜோதிடர்'
ஐ.ஆனந்தி
செல்: 98652 20406