29.04.2024 முதல் 05.05.2024 வரை
வெற்றி மேல் வெற்றி உண்டாகும் வாரம் . ராசி மற்றும் பத்தாம் அதிபதி குரு முயற்சி ஸ்தானத்தில் சஞ்சாரம் செய்வதால் புதிய எண்ணங்கள் மற்றும் திட்டங்கள் நிறைவேறும். எதிர்காலம் பற்றிய பயம் அகலும். தைரியம், தன்னம்பிக்கை அதிகமாகும். புதிய தொழில் வாய்ப்புகள் அதிகம் கிடைக்கும்.
சிலர் ஒப்பந்த வேலைக்காக வெளிமாநிலம் செல்லலாம். சிலர் கிடைக்கும் லாபத்தை மறுமுதலீடு செய்வார்கள். குடும்பத்தில் நிலவிய குழப்பங்களை சமாளிக்கும் ஆற்றல் ஏற்படும். பொருளாதாரத்தில் தன் நிறைவு உண்டாகும். நண்பர்களால், தொழில் கூட்டாளிகளால் ஏற்பட்ட பிரச்சினைகள் சீராகும். வாழ்க்கை துணைக்கு பதவி உயர்வு கிடைக்கும். பங்கு வர்த்தகத்தில் நல்ல லாபம் கிடைக்கும். பிள்ளைகளுக்காக சுப செலவு செய்ய நேரும். மருமகள், மருமகன் பூர்வீகச் சொத்து பிரிவினையில் அதிக ஆர்வம் காட்டுவார்கள்.
பூர்வீகச் சொத்தில் முறையான பங்கீடுகள் கிடைக்கும். 6-ம் அதிபதி சூரியன் உச்சம் பெறுவதால் கடன் பெறுவதையும், கொடுப்பதையும் தவிர்க்க வேண்டும். ஆரோக்கியத்தில் கவனம் செலுத்த வேண்டும். வேற்று இன மத நண்பர்களின் ஆதரவு கிடைக்கும். பெற்றோர்களுடன் ஏற்பட்ட மனக்கசப்பு மறையும். வெள்ளிக்கிழமை ஸ்ரீ வரலட்சுமியை வழிபடவும்.
'பிரசன்ன ஜோதிடர்'
ஐ.ஆனந்தி
செல்: 98652 20406