11.12.2023 முதல் 17.12.2023 வரை
அதிர்ஷ்டம் அரவணைக்கும் வாரம்.தன அதிபதி சூரியன் 5,10-ம் அதிபதி செவ்வாயுடன் பூர்வ புண்ணிய ஸ்தானத்தில் சேர்க்கை பெறுவதால் பூர்வ புண்ணிய ஸ்தானம் பலம் பெறுகிறது. யோக அதிபதி செவ்வாய் பலம் பெறுவதால் பிடிவாதமாக எந்த காரியத்தையும் முயற்சி செய்து அதில் வெற்றியும் பெறுவீர்கள். குடும்பத்தில் மகிழ்ச்சி கூடும். தொழில் வாய்ப்புகள் பிரகாசமாய் இருக்கும். அரசு வேலை வாய்ப்பு முயற்சி சாதகமாகும்.அரசுப் பணியாளர்களின் முக்கிய தேவைகள் பூர்த்தியாகும்.உடன் பிறந்தவர்களிடம் சொத்துப் பங்கீட்டில் நிலவிய கருத்து வேறுபாடு மறையும்.பேச்சை மூலதனமாக கொண்டவர்களின் தனித்திறமை மிளிரும்.
வாங்கிய கடனை திருப்பி கொடுப்பீர்கள். வராக்கடன்கள் வசூலாகும். நிலம், தோட்டம், வீடு, வாகனம் என முதலீடு செய்வீர்கள். குடும்பத்தில் நிலவிய குழப்பங்கள் விலகி குதூகலம் கூடும். மன மகிழ்ச்சி தரும் சுப நிகழ்வுகள் நடைபெறும். 17.12.2023 மாலை 3.45-க்கு சந்திராஷ்டமம் ஆரம்பிப்பதால் மனதில் குழப்பம் அதிகரிக்கும். செயல்களில் சங்கடமும் முயற்சியில் இழுபறியும் உண்டாகும்.அமாவாசையன்று சிவனுக்கு இளநீர் அபிசேகம் செய்து வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406