இந்த வார ராசிபலன்

29.04.2024 முதல் 05.05.2024 வரை

முயற்சிகளில் வெற்றி அடையும் வாரம். உச்சம் பெற்ற தனாதிபதி சூரியன் சுகஅதிபதி, லாபாதிபதி சுக்ரனுடன் தொழில் ஸ்தானத்தில் சஞ்சரிப்பதால் உங்களுக்கு வர வேண்டிய பதவிகள், சலுகைகள், பெயர், புகழ் அனைத்தும் தேடி வரும். வெளிநாட்டு வேலை முயற்சி நிறைவேறும். பிள்ளைகளால் பெருமையும் மகிழ்ச்சியும் உண்டாகும். இந்த கால கட்டத்தில் புதிய வீடு, மனை வாங்கும் அமைப்பும், பழைய சொத்துக்களில் இருந்து வருமானம் கிடைக்கும் வாய்ப்பு உள்ளது.

ஞாபக மறதி குறையும். தந்தை மகன் முரண்பாடு முடிவிற்கு வரும். வாழ்க்கைத் துணை மூலம் மதிப்பு, அதிகமான சொத்து, பணம், நகைகள் கிடைக்கும் வாய்ப்புகள் உள்ளது. உத்தியோகத்தில் சக ஊழியர்களால் சிலர் போலியான விளம்பரங்களை நம்பி நல்ல வேலையை தவறவிடலாம். ஆரோக்கியத்தில் கவனம் தேவை. ஆயிரம் பிரச்சினைகள் இருந்தாலும் பெண்கள் குடும்பத்தை அமைதியாக வழி நடத்துவார்கள்.

2.5.2024 அன்று பகல் 2.32 மணி முதல் 4.5.2024 மாலை 4.38 மணி வரை சந்திராஷ்டமம் இருப்பதால் செயலில் தடுமாற்றம், சிந்தனையில் குழப்பம் ஏற்படலாம். சிந்தித்து நிதானமாக செயல்பட வேண்டும். செவ்வாய்கிழமை அஷ்ட லட்சுமிகளை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406