search icon
என் மலர்tooltip icon

    கடகம் - வார பலன்கள்

    கடகம்

    இந்தவார ராசிபலன்

    25.3.2024 முதல் 31.3.2024 வரை

    தேவைகள் பூர்த்தியாகும் வாரம். லாப ஸ்தானத்தை நோக்கி குரு சென்று கொண்டிருக்கிறார். காலைச் சுற்றிய பாம்பாக இருந்த பிரச்சினைகள் விலகும் காலம் வந்து விட்டது. அஷ்டமச் சனியாலும் 10-ம்மிட குருவாலும் பறிபோன பதவிகள் தேடி வரும். அன்றாடம் காய்ச்சி முதல் அரசியல் பிரமுகர்கள் வரை உள்ள கடக ராசியினர் காலரை தூக்கி விட்டு வெற்றி நடை போடும் நேரம் இது. வெளியில் தலை காட்ட முடியாமல் நிலவிய பிரச்சினைகள் விலகிச் செல்லும். துன்பங்கள் உங்களை துரத்திய காலம் சென்று உலகில் உள்ள அனைத்து இன்பங்களையும் நுகரும் நேரம் வந்து விட்டது.தொட்டது துலங்கும். தற்காலிகப் பணி நிரந்தரப் பணியாகும். பெண்களுக்கு புகுந்த வீட்டார் மற்றும் கணவரின் ஒத்துழைப்பால் நிம்மதி அதிகரிக்கும். தம்பதிகள் மனம்விட்டு பேசி குடும்பத்தை சீர் செய்வீர்கள்.

    எதிர்பாராத சில தனவரவுகளால் சேமிப்பு உயரும். பேச்சு வன்மையால் காரியம் சித்தியாகும். வீடு, மனை, சொத்து வாங்குவது விற்பதில் லாபம் உண்டாகும். மாணவர்கள் பாடத்தை புரிந்து படித்து வெற்றிய டைவீர்கள். உடல் நிலையில் முன்னேற்றம் இருக்கும். எடுத்த செயலில் வெற்றி பெற பிரத்தியங்கரா தேவிக்கு அரளிப்பூ மாலை அணிவித்து வணங்குவது மிக நல்லது.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    18.3.2024 முதல் 24.3.2024 வரை

    அதிர்ஷ்டம் அரவணைக்கும் வாரம். ராசிக்கு 8-ம்மிடமான அஷ்டம ஸ்தானத்தில் சனி, செவ்வாய், சுக்ரன். இது கடகத்தினருக்கு யோகமா? அவயோகமா?. அஷ்டம ஸ்தானத்தில் நிற்கும் கிரகங்கள் தன ஸ்தானத்தை பார்க்கிறது. எப்பொழுதுமே கிரகங்கள் உயிர்காரகதுவத்தை பாதித்தால் பொருளை தந்துவிடும். இப்பொழுது தன ஸ்தானத்திற்கு குருப் பார்வை இருப்பதால் கடகத்திற்கு இது அதிர்ஷ்டமான காலமாகும். இதுவரை வருமானக் குறைபாட்டால் அவதி அடைந்வர்களுக்கு இல்லை என்ற நிலை இனி இல்லை. கொடுக்கல், வாங்கல் திருப்தியாக இருக்கும். மனக்கசப்பை ஏற்படுத்திய உறவுகள் உங்களின் உண்மையான அன்பை புரிந்து கொள்வார்கள். விபத்து, கண்டம், சர்ஜரி, அவமானத்தால் ஏற்பட்ட மன பாரம் விலகும்.

    வீடு வாங்குவது, நிலம் வாங்குவது வீடு கட்டி குடியேறுவது போன்ற சுப பலன்கள் நடக்கும். அஷ்டமச் சனி காலத்தில் இது போன்று சொத்தில் முதலீடு செய்யும் போது வீண் விரயங்கள் குறையும். சிலருக்கு விபரீத ராஜயோகமாக அதிர்ஷ்ட சொத்து பணம், நகை, பாலிசி முதிர்வு தொகை கிடைக்கும். வழக்குகள் சாதகமாகும். திங்கட்கிழமை வெண்மையான மலர்களால் அம்பிகையை வழிபடவும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    11.3.2024 முதல் 17.3.2024 வரை

    அதிர்ஷ்டத்தின் மேல் ஆர்வம் கூடும் வாரம். அஷ்டம ஸ்தானத்தில் சனி, செவ்வாய், சுக்ரன் இருப்பதால் அஷ்டமச் சனியையும் மீறி சிலரின் காதல் திருமணம் கைகூடும். அதிர்ஷ்டம், லாட்டரி, போட்டி பந்தயங்களை நம்பி காலம், பொருள் விரயம் உண்டாகலாம். பிள்ளைகளின் உயர் கல்வி முயற்சி வெற்றியாகும். நல்ல நம்பிக்கையான வேலையாட்கள் கிடைப்பார்கள். சிலர் மன நிம்மதிக்காக ஆன்மீக சுற்றுப் பயணம் செல்வார்கள். பூர்வீகச் சொத்தை விற்று கடைகள் கட்டி வாடகைக்கு விடும் சிந்தனை உருவாகும். சிலர் பழைய வீட்டை அல்லது வாகனத்தை விற்று விட்டு புதிய வீடு, வாகனம் வாங்க திட்டமிடுவார்கள்.

    குறைந்த ஊதியத்திற்கு அதிக நேரம் உழைக்க நேரும். வேலை தேடுபவர்களுக்கு நேர்முகத் தேர்வில் வெற்றி கிடைக்கும். தொழிலில் புதிய திருப்பங்கள் உண்டாகும். பெண்களுக்கு கணவரின் ஒத்துழைப்பு மற்றும் ஆதரவால் மகழ்ச்சி அதிகரிக்கும். மாணவர்கள் பாடங்களை புரிந்து படிக்க வேண்டும். வளர்பிறை சந்திரனை தரிசிக்க வெற்றி மேல் வெற்றி உண்டாகும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    4.3.2024 முதல் 10.3.2024 வரை

    சாதிக்கும் வாரம்.ராசிக்கு செவ்வாய், சுக்ரன் பார்வை இருப்பது நல்லது. தன்னம்பிக்கையுடன் செயல் படுவீர்கள். கடந்த கால கடன்கள், பிரச்சினைகள் எல்லாம் நிவர்த்தியாகும். சொத்துக்களுக்கு நல்ல வாடகைதாரர் கிடைப்பார்கள். புதிய சொத்துக்கள் வாகனங்கள் சேரும். குடும்பத்தில் மகிழ்ச்சி நிலவும். பிள்ளைகள் உங்கள் அறிவுரையை ஏற்று நடப்பார்கள். அவர்கள் கேட்டதை வாங்கித் தருவீர்கள். தம்பதிகள் இணைந்து கூட்டுத் தொழில் முயற்சி செய்யலாம். அதற்கு தேவையான நிதியும், சந்தர்ப்பமும் தானாக உருவாகும். வியாபாரத்தில் விற்ப னையும் லாபமும் கூடுதலாகக் கிடைப்பதால் உற்சாகமாக இருப்பீர்கள். உத்தியோகஸ்தர்கள் நல்ல நிர்வாகத்திறனுடன் கவுரவமாக பணியாற்றுவீர்கள்.

    சில எதிர்பாராத செலவுகளால் கையிருப்பு கரையலாம். கணவன்-மனைவிக்கிடையே ஏற்பட்டிருந்த கருத்துவேறுபாடு நீங்கி, அந்நி யோன்யம் அதிகரிக்கும். குலதெய்வ பிரார்த்த னைகளை நிறைவேற்றி மகிழ்வீர்கள். உடல் நலனில் கவனம் தேவை. 8.3.2024 இரவு 9.20 முதல் 10.3.2024 வரை சந்திராஷ்டமம் உள்ளதால் புதிய முயற்சிகளைத் தவிர்ப்பது அவசியம். சிவராத்திரியன்று பன்னீர் அபிசேகம் செய்து சிவனை வழிபடவும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    26.2.2024 முதல் 3.3.2024 வரை

    உயர்வுகள் உண்டாகும் வாரம். உச்சம் பெற்ற பூர்வ புண்ணிய ஸ்தான அதிபதி செவ்வாய் சுக ஸ்தான அதிபதி சுக்ரனுடன் இணைந்து ராசியை பார்ப்பது கடக ராசிக்கு உயர்வினை ஏற்படுத்தும் உன்னதமான அமைப்பாகும். செயல்களில் வெற்றி மிளிரும். உபஜெய ஸ்தான அதிபதி சூரியன் தன் வீட்டைத் தானே பார்ப்பதால் மன தைரியம் அதிகரிக்கும். கவுரவம், புகழ், அந்தஸ்து கூடும். பூர்வீகச் சொத்தில் மூத்த சகோதரம் மற்றும் சித்தப்பாவால் ஏற்பட்ட இன்னல்கள் அகலும். அஷ்டமச் சனியையும் மீறி சிலருக்கு காதல் திருமணம் நடக்கலாம். சிலருக்கு தந்தையின் அரசுப்பணி கிடைக்கும். சிலருக்கு வெளிநாட்டு வேலை கிடைக்கும்.

    வாழ்க்கைத் துணையின் ஆரோக்கியத்தில் நல்ல முன்னேற்றம் நிலவும். கருத்து வேறுபாட்டால் பிரிந்து வாழும் தம்பதிகளை பேச்சுவார்த்தையில் சேர்த்து வைக்க உகந்த காலம். பெற்றோர்களின் அனுசரணை கிடைக்கும். இதுவரை உங்கள் மேல் இருந்த தவறான குற்றச்சாட்டு மறையும். உங்களை வாட்டி வதைத்துக் கொண்டிருந்த நோய்கள் அகலும். சிவனை புனித நீரால் அபிசேகம் செய்து வழிபடவும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    19.2.2024 முதல் 25.2.2024 வரை

    விபரீத ராஜயோகம் ஏற்படும் வாரம். அஷ்டம ஸ்தானத்தில் சூரியன். புதன், சனி என மூன்று கிரகச் சேர்க்கை. அஷ்டம ஸ்தானம் பலப்பட்டால் மட்டுமே அதிர்ஷ்ட பணம், பொருள் சேரும். அஷ்டமச் சனி ஒரு புறம் இருந்தாலும் அஷ்டம ஸ்தானத்தில் நிற்கும் கிரகங்கள் தனம், வாக்கு குடும்ப ஸ்தானத்தை பார்ப்பதால் பேச்சை மூலதன மாக கொண்டவர்களின் தனித்திறமை வெளிப்படும். உழைக்கும் ஆர்வம் கூடும். எதிர்பாராத திடீர் தன லாபங்கள் உண்டா கும். கால நேரம் சாதகமாக இருக்கும் போது கிடைக்கும் சந்தர்ப்பத்தை பயன்படுத்தினால் வருமானம் பல வழிகளில் வந்தடையும்.

    குடும்பத்தில் மகிழ்ச்சியை அதிகரிக்கும் நல்ல சம்பவங்கள் நடக்கும். தம்பதிகளுக்கு உறவினர்கள் மூலம் கொடுக்கல், வாங்கலால் ஏற்பட்ட இன்னல்கள் விலகி இல்லறம் நல்லறமாகும். பெண்களுக்கு தாய் வீட்டுச் சீதனம், பாகப் பிரிவினை பணம், சொத்து கிடைக்கும். அரசு ஊழியர்களுக்கு கூடுதல் பொறுப்புகள், பணிச்சுமையால் மன சஞ்சலம் உண்டாகும். மாசிமகத்தன்று சிவனுக்கு புனித நீரால் அபிசேகம் செய்யவும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    12.2.2024 முதல் 18.2.2024 வரை

    கடன் சுமை குறையும் வாரம்.பூர்வ புண்ணிய ஸ்தான அதிபதி செவ்வாய் உச்சம் பெற்று சுக்ரன் மற்றும் புதனுடன் இணைந்து ராசியை பார்ப்பது கடகத்திற்கு மிகவும் யோகமான அமைப்பு. கவுரவப் பதவி கிடைக்கும். பிள்ளைகளின் திருமண முயற்சி கைகூடும். கூட்டுத்தொழில் செய்தவர்கள் விலகி தனித்து செயல்படலாம். தன ஸ்தானத்தை சூரியன், சனி,குரு பார்ப்பதால் வாங்கிய கடனை திருப்பி செலுத்தக்கூடிய விதத்தில் வருமானம் அதிகரிக்கும். வீடு வாகன பிராப்தம் உண்டாகும்.

    ஆன்மீக நாட்டம் அதிகரிக்கும். சீட்டுக் கட்டி இழந்த பணம், ஜாமீன் போட்டு ஏமாந்த பணம் கிடைத்து விடும். சுப கிரக வலுவால் வீண் நஷ்டம், பயம் தீரும். குடும்பத்தில் சுபகாரியப் பேச்சு வார்த்தை நடக்கும். தந்தையால் ஏற்பட்ட மன வருத்தம் குறையும். நோய் தாக்கம் சீராகும். சுகமான ஆடம்பர வாழ்க்கை அமையும்.வளர்பிறை காலங்களில் சந்திர தரிசனம் செய்து வர வளர்ச்சி கூடும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    5.2.2024 முதல் 11.2.2024 வரை

    மகிழ்ச்சியான வாரம். 5, 10-ம் அதிபதி செவ்வாய் ராசிக்கு 7ல் உச்சம் பெற்று தனம், வாக்கு குடும்ப ஸ்தான அதிபதி சூரியனுடன் சேர்க்கை . அஷ்டமச் சனி யையும் மீறி சிலருக்கு காதல் திருமணம் நடக்கும். பூர்வீகச் சொத்து கிடைக்கும். புதிய நண்பர்கள், தொழில் கூட்டாளிகள் வாடிக்கையாளர்கள் கிடைப்பார்கள். தந்தை மகள் உறவில் அன்பு மிளிரும். பணிபுரியும் இடத்தில் செல்வாக்கு உயரும். விரும்பிய சலுகைகள் கிடைக்கும். தீராத கடனைத் தீர்க்கும் வழி தென்படும். எதிரி தொல்லைகள் குறையும். அறுவை சிகச்சை செய்ய வேண்டிய நிலை மாறி சாதாரண வைத்தியத்தில் குணமாகும். மறு திருமண முயற்சிகள் கைகூடும். சொத்து வாங்கும் முயற்சி சித்திக்கும்.

    சிலருக்கு வீடு, வாகனத்தை பராமரிக்கும் செலவு அதிகரிக்கும். கல்வி சார்ந்த விசயங்களில் ஏற்பட்ட தடை அகலும். புதிய எதிர்பாலின நண்பர்கள் கிடைப்பார்கள். கை மறதியாக வைத்த நகை கிடைக்கும். மன நிம்மதி தரும் இடமாற்றம், ஊர்மாற்றம் ஏற்படும். 10.2.2024 அன்று காலை 10.02-க்கு சந்திராஷ்டமம் ஆரம்பிப்பதால் எதையும் நினைத்த நேரத்தில் செய்ய இயலாது. தை அமாவாசையன்று புனித நீராடவும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    29.1.2024 முதல் 4.2.2024 வரை

    திட்டமிட்டு செயல்படும் வாரம். ராசியை தனாதிபதி சூரியன் சகாய ஸ்தான அதிபதி புதனுடன் சேர்ந்து பார்ப்பதால் மனதில் புதிய தன்னம்பிக்கை பிறக்கும். சாமர்த்தியம் வெளிப்படும். எதிர்காலம் பற்றிய பயம் விலகி நம்பிக்கை உண்டாகும். பெயர், புகழ், செல்வம், செல்வாக்கு மேலோங்கும். உயர் பொறுப்பில் இருப்பவர்களின் ஒத்துழைப்பு கிடைக்கும். தொழில் ரீதியாக இருந்த சட்ட சிக்கல்கள் இருந்த இடம் தெரியாமல் மறையும். வியாபாரத்தில் புதிய பாதைகள் புலப்படும். எதிர்ப்புகளை வெற்றிகொள்ளும் சாமர்த்தியம் ஏற்படும். குடும்பத்தில் இருந்து வந்த நெருக்கடி விலகும். வாழ்க்கையின் மீது புதிய நம்பிக்கை உண்டாகும். உடன் பிறந்தவர்களிடையே இருந்து வந்த பகையும், வருத்தமும் மாறும். குடும்பத்தில் மகிழ்ச்சியான சுப நிகழ்வுகள் நடக்கும்.

    சொந்த வீடு கட்டி குடியேறுவீர்கள். உயர் கல்வி முயற்சிகள் பலிதமாகும். அஷ்டமச் சனி முடியும் வரை திருமணத்தை ஒத்தி வைக்க வேண்டும். உடல் உஷ்ணம் தொடர்பான ஆரோக்கிய கேடுகள் உண்டாகும். எந்த செயலிலும் வெற்றி பெற பிரத்தியங்கரா தேவிக்கு அரளிப்பூ மாலை அணிவித்து வணங்குதல் மிக நல்லது.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    22.1.2024 முதல் 28.1.2024 வரை

    மன நிம்மதி குடிபுகும் வாரம். ராசியை சூரியன் பார்ப்பதால் ஆத்ம ஞானம் பெருகும்.எதையும் எதிர்கொள்ளும் வலிமை கூடும். தியாக மனப்பான்மை மிகுதியாகும். தொழில் கூட்டாளிகள் ஆதரவுடன் செயல்படுவார்கள். தொழில் விருத்திக்காக எதிர்பார்த்த கடன் உதவிகள் கிட்டும். வெளிநாட்டு படிப்பு அல்லது வேலைக்கு முயற்சிப்பவர்களுக்கு நல்ல வாய்ப்பு கிட்டும். அரசின் உதவித்தொகை கிடைப்பதில் நிலவிய தடைகள் விலகும். சொத்து வாங்கும், விற்கும் முயற்சி சாதகமாகும். உடலுக்கும் ஆன்மாவுக்கும் புத்துணர்வு தரும் பயிற்சிகளில் ஆர்வம் ஏற்படும்.

    முக்கியமான ஆவணங்கள் அல்லது கை மறதியாக வைத்த நகைகள் பொருள்கள் கிடைக்கும். தடைபட்ட குலதெய்வ வேண்டுதல்களை நிறைவேற்றுவீர்கள்.உயர் கல்வி முயற்சி பலிதமாகும்.வீட்டில் சுப காரியங்கள் நடை பெறும். வரவிற்கு மேல் செலவு உண்டாகும்.பொது வாழ்க்கையில் ஈடுபட்டுள்ளவர் களுக்கு சமூக அந்தஸ்த்தை நிலைப்படுத்தும் கவுரவப் பதவிகள் கிடைக்கும். உடல் ஆரோக்கியம் சீராகும். தைப்பூசத்தன்று புனித நதிகளில் நீராடவும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    15.1.2024 முதல் 21.1.2024 வரை

    மனசஞ்சலம் அகலும் வாரம்.தனம், வாக்கு, குடும்ப ஸ்தான அதிபதி புதன் ராசியை பார்ப்பதால் குடும்ப உறவுகளால் ஏற்பட்ட மன சங்கடம் மாறும்.கடன் தொல்லை குறையும்.மனம் நிம்மதியாக இருக்கும். முயற்சியால் தொழில் உத்தியோ கத்தில் சாதகமான பலன் உண்டாகும். கூட்டுத் தொழில் மீது உருவான வழக்குகள் முடிவுக்கு வரும். சிலருக்கு பகுதி நேர வேலை கிடைக்கும். சம்பளம் குறைவாகவும் வேலை அதிகமாகவும் இருக்கும். மாமனார் மூலம் வெளிநாட்டு பணம் வந்து குவியும்.ஆன்மீக இயக்கங்கள், சமூக சேவையாற்றும் நிறுவனங்களில் கவுரவப் பதவிகள் கிடைக்கும். சேவை மனப்பான்மையுடன் சமூக சேவை செய்வீர்கள்.தொழில் நிமித்தமாக பிரிந்த வாழ்க்கைத் துணை இல்லம் திரும்புவார். பணம் வரும் வழியும் தெரியாது, போகும் வழியும் தெரியாது. வருமா னத்திற்கு ஏற்ற விரயமும் இருக்கும். ஆரோக்கியம் சீராகும். 16.1.2024 அன்று காலை 12.37 மணி வரை சந்தி ராஷ்டமம் இருப்பதால் தேவையற்ற எண்ணங்களால் மன வேதனையே மிகுதியாகும். ஆண்கள் பெண்களிடம் எச்சரிக்கையாக பழக வேண்டும். எந்த காரியத்திலும் ஒரு முறைக்கு பல முறை சிந்தித்து செயல்பட்டால் சாதகமான பலன் உண்டாகும். புவனேஸ்வரியை வழிபடவும்.

    `பிரசன்ன ஜோதிடர்' ஐ.ஆனந்தி

    செல்: 98652 20406

    கடகம்

    இந்தவார ராசிபலன்

    8.1.2024 முதல் 14.1.2024 வரை

    எதிர்பார்ப்புகள் நிறைவேறும் வாரம். பூர்வ புண்ணிய ஸ்தானத்தில் லாப அதிபதி சுக்ரன் சஞ்சரிப்பதால் வாழ்க்கையில் நிலவிய கஷ்டங்கள் விலகும். திடீர் அதிர்ஷ்டம் தேடி வரும். 5-ம் அதிபதி செவ்வாய் ராசியைப் பார்ப்பதால் தைரியமும், தெம்பும் அதிகரிக்கும். துணிந்து சில முடிவுகளை எடுத்து முன்னேறு வீர்கள். பணிபுரியும் இடத்தில் மதிப்பு அதிகரிக்கும். அரசு ஊழியர்களுக்கு பதவி உயர்வு உண்டாகும். எதிர்பார்த்த வருமானம் உண்டாகும். விரும்பிய உதவிகள் தேடி வரும்.வழக்குகளில் புதிய திருப்பம் ஏற்படும். 3-ல் கேது இருப்பதால் குடும்ப உறவுகளுக்காக ஜாமீன் பொறுப்பு ஏற்கும் நிர்பந்தம் உண்டாகும்.

    எதிர்காலத்தில் அது உங்களை தர்ம சங்கடத்தில் மாட்ட வைக்கும் என்பதால் கவனம் தேவை. பிள்ளை களுக்கு கல்வியில் நாட்டம் உண்டாகும். ஆரோக்கியத்தில் தெளிவு ஏற்படும்.13.1.2024 இரவு 11.35-க்கு சந்திராஷ்டமம் ஆரம்பிப்பதால் தெளிவாக சிந்தித்து திட்டமிட்டு செயல்பட முடியாத நிலை இருக்கும். அமாவாசையன்று அம்பிகையை வழிபடவும்.

    `பிரசன்ன ஜோதிடர்'

    ஐ.ஆனந்தி

    செல்: 98652 20406

    ×