ராமநாதபுரம் தொகுதியில் நயினார் நாகேந்திரனை முந்திய நவாஸ் கனி

ராமநாதபுரம்:

பாராளுமன்றத் தேர்தலில் பதிவான வாக்குகள் எண்ணப்பட்டு வருகின்றன. தமிழகம், புதுவையில் திமுக கூட்டணி பெரும்பாலான தொகுதிகளில் முன்னிலை பெற்று வெற்றியை நோக்கி பயணிக்கிறது.

ராமநாதபுரம் தொகுதியில் 5 மணி நிலவரப்படி இந்திய யூனியன் முஸ்லிம் லிக் வேட்பாளர் நவாஸ் கனி 1,66,912 வாக்குகள் பெற்று முன்னிலையில் இருந்தார். பாஜக வேட்பாளர்  நயினார் நாகேந்திரன் 1,12,595 வாக்குகளுடன் இரண்டாம் இடத்தில் இருந்தார்.

அமமுக வேட்பாளர் ஆனந்த், 47 ஆயிரத்து 82 வாக்குகளும், நாம் தமிழர் கட்சி வேட்பாளர் புவனேஸ்வரி 16 ஆயிரத்து 243 வாக்குகளும், மக்கள் நீதி மய்யம் வேட்பாளர் விஜயபாஸ்கர் 7 ஆயிரத்து 121 வாக்குகளும் பெற்றிருந்தனர்.