மோட்டோரோலா நிறுவனம் தனது ஒன் விஷன் ஸ்மார்ட்போனை மே 15 ஆம் தேதி அறிமுகம் செய்ய இருக்கிறது. முதற்கட்டமாக இந்த ஸ்மார்ட்போன் பிரேசிலில் அறிமுகம் செய்யப்படுகிறது.
புதிய ஸ்மார்ட்போனுடன் மோட்டோரோலா நிறுவனம் ஒன் ஆக்ஷனையும் அறிமுகம் செய்யலாம். இதே விழாவில் மோட்டோ இசட்4 ஸ்மார்ட்போன் அறிமுகமாவது பற்றி இதுவரை எவ்வித தகவலும் இல்லை.
மோட்டோரோலா ஒன் விஷன் ஸ்மார்ட்போனில் ஃபுல் ஹெச்.டி. பிளஸ் 1080x2560 பிக்சல் பன்ச் ஹோல் டிஸ்ப்ளே, எக்சைனோஸ் 9610 10 என்.எம். பிராசஸர், ஆண்ட்ராய்டு பை இயங்குதளம், 48 எம்.பி. பிரைமரி கேமரா வழங்கப்படுகிறது. இந்த கேமரா கொண்டு 12 எம்.பி. தரத்தில் புகைப்படங்களை எடுக்க முடியும்.
இத்துடன் இது குறைந்த வெளிச்சத்திலும் தரமான புகைப்படம் எடுக்க வழி செய்கிறது. இதுமட்டுமின்றி இரண்டாவது பிரைமரி கேமரா சென்சார், 3 ஜி.பி. அல்லது 4 ஜி.பி. ரேம் மற்றும் 32, 64 அல்லது 128 ஜி.பி. மெமரி மற்றும் 3500 எம்.ஏ.ஹெச். பேட்டரி மூலம் சக்தியூட்டப்படலாம் என தெரிகிறது.
