லண்டன்:
ஆஸ்திரேலிய கிரிக்கெட் அணியின் முன்னாள் கேப்டன் மைக்கேல் கிளார்க் செய்தியாளர்களுக்கு அளித்த பேட்டி பின்வருமாறு:-
இந்திய கிரிக்கெட் அணியை பொறுத்தவரை சவுரவ் கங்குலி மற்றும் மகேந்திரசிங் டோனியே சிறந்த கேப்டன்கள் ஆவர். விராட் கோலியை பொறுத்தவரை அவர் ஒரு சிறந்த 50 ஒவர் கிரிக்கெட் விரர். நெருக்கடியான சூழ்நிலையிலும் அணிக்கு தேவையான ரன்களை பெற்றுக்கொடுப்பதில் கோலி முக்கிய பங்காற்றுகிறார்.
தற்போதைய கிரிக்கெட் உலகில் சச்சின் டெண்டுல்கர் மற்றும் பிரைன் லாராவை விட கோலியே சிறந்த விரராக திகழ்கிறார். ஆனால் கேப்டன் என்ற முறையில் தனது தலைமை பண்புகளை அவர் மேலும் வளர்த்துக்கொள்ள வேண்டும்.
இவ்வாறு அவர் கூறினார்.
அதே போல் இங்கிலாந்து அணியின் முன்னாள் கேப்டன் நாசிர் ஹசன், விராட் கோலி குறித்து கூறுகையில், “விராட் கோலி தனது நாட்டுக்காக வெற்றியை பெற்றுத்தருவதேயே முக்கிய நோக்கமாக கொண்டுள்ளார். கோலி, கிரிக்கெட் உலகின் கடவுள் என அனைவராலும் அழைக்கப்படும் சச்சின் டெண்டுல்கரின் சாதனையை முறியடிப்பார்” என நம்பிக்கை தெரிவித்துள்ளார்.
