இந்திய அணி நவம்பரில் ஆஸ்திரேலியா பயணம்

புதுடெல்லி:

இந்திய கிரிக்கெட் அணி நவம்பர் மாதம் ஆஸ்திரேலியா செல்கிறது. ஜனவரி மாதம் வரை அந்நாட்டில் சுற்றுப்பயணம் செய்து மூன்று 20 ஓவர், 4 டெஸ்ட் மற்றும் 3 ஒருநாள் போட்டிகளில் விளையாடுகிறது.

நவம்பர் 21-ந் தேதி போட்டிகள் தொடங்குகிறது. ஜனவரி 18-ந் தேதியுடன் ஆஸ்திரேலிய சுற்றுப்பயணம் முடிகிறது.

20 ஓவர் போட்டிகள் முதலில் நடக்கிறது. நவம்பர் 21-ந் தேதி முதல் 25-ந் தேதி வரை 20 ஓவர் போட்டிகள் நடைபெறுகின்றன. அதைத் தொடர்ந்து டிசம்பர் 6-ந் தேதி டெஸ்ட் போட்டிகள் தொடங்கி ஜனவரி 3-ந் தேதியுடன் முடிகிறது. ஒருநாள் தொடர் ஜனவரி 12-ந் தேதி தொடங்குகிறது.

இங்கிலாந்தில் 2019-ம் ஆண்டு நடைபெறும் உலக கோப்பை போட்டிக்கு ஆஸ்திரேலிய பயணம் பயன் உள்ளதாக அமையும்.

2014-15ம் ஆண்டு இந்திய அணி ஆஸ்திரேலியா பயணத்தில் டெஸ்ட் தொடரை 0-2 என்ற கணக்கில் இழந்தது. 2015-16ல் ஒருநாள் மற்றும் 20 ஓவர் தொடர்களில் இந்திய அணி பங்கேற்றது. 20 ஓவர் தொடரை இந்தியா 3-0 என்ற கணக்கிலும், ஒருநாள் தொடரை ஆஸ்திரேலியா 4-1 என்ற கணக்கிலும் கைப்பற்றி இருந்தது.

இந்திய அணியின் ஆஸ்திரேலிய சுற்றுப்பயணம் விவரம்:-

நவம் 21: முதல் 20 ஓவர் போட்டி (பிரிஸ்பேன்)

நவம் 23: 2-வது 20 ஓவர் (மெல்போர்ன்)

நவம் 25: கடைசி 20 ஓவர் (சிட்னி)

டிசம் 6-10: முதல் டெஸ்ட் (அடிலெய்ட்)

டிசம் 14-18: 2-வது டெஸ்ட் (பெர்த்)

டிசம் 26-30: 3-வது டெஸ்ட் (மெல்போர்ன்)

ஜனவரி 3-7: கடைசி டெஸ்ட் (சிட்னி)

ஜனவரி 12: முதல் ஒருநாள் போட்டி (சிட்னி)

ஜனவரி 15: 2-வது ஒருநாள் போட்டி (அடிலெய்ட்)

ஜனவரி 18: கடைசி 3-வது ஒருநாள் போட்டி (மெல்போர்ன்). #INDvsAus