ஹாக்கியில் கஜகஸ்தானை 21-0 என வீழ்த்தியது இந்திய பெண்கள் அணி

ஆசிய விளையாட்டு போட்டி இந்தோனேசியாவில் நடைபெற்று வருகிறது. இன்று பெண்களுக்கான ஹாக்கி போட்டிகள் நடைபெற்றன. ஒரு ஆட்டத்தில் ‘பி’ பிரிவில் இடம்பிடித்துள்ள இந்தியா - கஜகஸ்தான் அணிகள் மோதின.

ஆட்டம் தொடங்கியது முதலே இந்திய வீராங்கனைகள் கோலாக அடித்து தள்ளினார்கள். இதனால் இந்தியா 21-0 என கஜகஸ்தானை துவம்சம் செய்தது. இந்திய அணியில் குர்ஜித் கவுர் அதிகபட்சமாக நான்கு கோல்கள் அடித்தார்.



வந்தனா கட்டாரியா, நவ்னீத் கவுர், லால்ரெம்சியாமி தலா மூன்று கோல்களும், லிலிமா மின்ஸ், நவ்ஜோத் கவுர் தலா இரண்டு கோல்களும் அடித்தனர்.