என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஐதராபாத் அணியை வீழ்த்தி பிளே-ஆப் சுற்றுக்கு தகுதி பெற்றது கொல்கத்தா நைட் ரைடர்ஸ்
Byமாலை மலர்19 May 2018 6:17 PM GMT (Updated: 19 May 2018 6:30 PM GMT)
ஐதராபாத்தில் நடைபெற்ற ஐபிஎல் போட்டியில் சன்ரைசர்ஸ் ஐதராபாத் அணியை 5 விக்கெட் வித்தியாசத்தில் வீழ்த்தி கொல்கத்தா அணி பிளே-ஆப் சுற்றுக்கு தகுதி பெற்றது. #IPL2018 #VIVOIPL #SRHvKKR
ஐதராபாத்:
ஐதராபாத்தில் இன்று இரவு நடைபெற்ற இரண்டாவது லீக் ஆட்டத்தில் கேன் வில்லியம்சன் தலைமையிலான சன்ரைசர்ஸ் ஐதராபாத்தும், தினேஷ் கார்த்திக் தலைமையிலான கொல்கத்தா நைட்ரைடர்ஸ் அணிகளும் மோதின.
டாஸ் வென்ற ஐதராபாத் அணி பேட்டிங்கை தேர்வு செய்தது. தொடக்க ஆட்டக்காரர்களாக ஷிகர் தவானும், ஸ்ரீவத்ஸ் கோஸ்வாமியும் களமிறங்கினர். இருவரும் இணைந்து நிதானமாக ஆடினர். இதனால் முதல் விக்கெட்டுக்கு 75 ரன்கள் சேர்த்தது. கோஸ்வாமி 35 ரன்கள் எடுத்த நிலையில் அவுட்டானார். அடுத்து இறங்கிய கேன் வில்லியம்சன் அதிரடியாக ஆடி 17 பந்துகளில் 3 சிக்சர், ஒரு பவுண்டரி உள்பட 36 ரன்கள் எடுத்து வெளியேறினார். சிறப்பாக ஆடிய ஷிகர் தவான் அரை சதமடித்த நிலையில் ஆட்டமிழந்தார்.
அப்போது அணியின் எண்ணிக்கை 15.1 ஓவரில் 3 விக்கெட் இழப்புக்கு 141 ரன்கள் எடுத்திருந்தது. அவரை தொடர்ந்து இறங்கிய யூசுப் பதான் 2 ரன்னில் அவுட்டாகி அதிர்ச்சி அளித்தார். அடுத்து வந்தவர்கள் நிலைத்து நின்று ஆடவில்லை. இறுதியில், ஐதராபாத் அணி நிர்ணயிக்கப்பட்ட 20 ஓவர்களில் 9 விக்கெட் இழப்புக்கு 172 ரன்கள் எடுத்தது.
கொல்கத்தா அணி சார்பில் பிரசித் கிருஷ்ணா 4 விக்கெட்டுகளும், சுனில் நரேன், குல்தீப் யாதவ், ஜவோன் சியர்லஸ், ஆண்ட்ரூ ரசல் ஆகியோர் தலா ஒரு விக்கெட்டும் வீழ்த்தினர். இதன்மூலம் கொல்கத்தா அணியின் வெற்றிக்கு 173 ரன்களை இலக்காக ஐதராபாத் அணி நிர்ணயித்தது.
இதையடுத்து, 173 ரன்களை இலக்காக கொண்டு கொல்கத்தா அணி விளையாடியது. அந்த அணியின் தொடக்க ஆட்டக்காரர்களாக சுனில் நரேன், கிறிஸ் லின் ஆகியோர் களமிறங்கினர். இருவரும் தொடக்கம் முதலே அதிரடியாக விளையாடினர். இதனால் 3.3 ஓவரில் அணியின் ஸ்கோர் 50-ஐ தாண்டியது. 4-வது ஓவரை ஷகிப் அல் ஹசன் வீசினார். அந்த ஓவரின் நான்காவது பந்தில் நரேன் ஆட்டமிழந்தார். அவர் 10 பந்தில் 4 பவுண்டரி, 2 சிக்ஸ உட்பட 29 ரன்கள் எடுத்தார். அதன்பின் ராபின் உத்தப்பா களமிறங்கினார்.
கொல்கத்தா அணி 6 ஓவரின் ஒரு விக்கெட் இழப்பிற்கு 66 ரன்கள் எடுத்தது. லின், உத்தப்பா இருவரும் பொறுப்புடன் விளையாடி ரன் குவித்தனர். இந்த ஜோடியும் பாட்னர்ஷிப்பில் 50 ரன்களை கடந்தது. சிறப்பாக விளையாடிய லின் 36 பந்தில் அரைசதம் அடித்தார். இதில் 4 பவுண்டரிகளும், 3 சிக்ஸர்களும் அடங்கும்.
14-வது ஓவரை சித்தார்த் கவுல் வீசினார். அந்த ஓவரின் முதல் பந்தை லின் தூக்கி அடித்தார். அந்த பந்தை பவுண்டரி கோட்டுக்கு மணிஷ் பாண்டே சிறப்பான முறையில் கேட்ச் பிடித்தார். லின் 43 பந்தில் 55 ரன்கள் எடுத்து ஆட்டமிழந்தார். அதைத்தொடர்ந்து கேப்டன் தினேஷ் கார்த்திக் களமிறங்கினார்.
கொல்கத்தா அணி 15 ஓவரில் 132 ரன்கள் எடுத்தது. இதனால் கடைசி 5 ஓவரில் அந்த அணியின் வெற்றிக்கு 41 ரன்கள் தேவைப்பட்டது. உத்தப்பா 45 ரன்கள் எடுத்திருந்த நிலையில் ஆட்டமிழந்தார். அவரைத்தொடர்ந்து களமிறங்கிய ஆண்ட்ரே ரசல் 4 ரன்கள் மட்டுமே எடுத்து வெளியேறினார். தொடர்ந்து நிதிஷ் ராணா களமிறங்கினார். கடைசி இரண்டு ஓவரில் கொல்கத்தா அணியின் வெற்றிக்கு 10 ரன்கள் தேவைப்பட்டது.
இறுதியில் கொல்கத்தா அணி 19.3 ஓவரில் 5 விக்கெட் இழப்பிற்கு 173 ரன்கள் எடுத்தது. தினேஷ் கார்த்திக் ரன்களுடன் களத்தில் இருந்தார். ஐதராபாத் அணி பந்துவீச்சில் சித்தார்த் கவுல் இரண்டு விக்கெட் வீழ்த்தினார். இதன்மூலம் 5 விக்கெட் வித்தியாசத்தில் வெற்றி பெற்ற கொல்கத்தா அணி பிளே-ஆப் சுற்றுக்கு தகுதிபெற்றது. #IPL2018 #VIVOIPL #SRHvKKR
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X