என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
விம்பிள்டன் டென்னிஸ்: 4-வது சுற்றில் ஜோகோவிச் - இரட்டையரில் சானியா ஜோடி வெற்றி
Byமாலை மலர்8 July 2017 11:24 PM GMT (Updated: 8 July 2017 11:24 PM GMT)
விம்பிள்டன் டென்னிஸ் போட்டியில் ஜோகோவிச், ஏஞ்சலிக் கெர்பர், ராட்வன்ஸ்கா ஆகியோர் 4-வது சுற்றுக்கு முன்னேறினர்.
லண்டன்:
விம்பிள்டன் டென்னிஸ் போட்டியில் ஜோகோவிச், ஏஞ்சலிக் கெர்பர், ராட்வன்ஸ்கா ஆகியோர் 4-வது சுற்றுக்கு முன்னேறினர்.
விம்பிள்டன் டென்னிஸ் திருவிழா லண்டனில் நடந்து வருகிறது. இதில் ஆண்கள் ஒற்றையர் பிரிவில் நேற்று நடந்த 3-வது சுற்றில் அமெரிக்க வீரர் சாம் குயரி 6-2, 3-6, 7-6(5), 1-6, 7-5 என்ற செட் கணக்கில் பிரான்சின் சோங்காவுக்கு அதிர்ச்சி அளித்தார்.
மற்றொரு ஆட்டத்தில் முன்னாள் சாம்பியன் செர்பியாவின் ஜோகோவிச் 6-4, 6-1, 7-6 (7-2) என்ற செட் கணக்கில் குல்பிசை (லாத்வியா) வீழ்த்தி 4-வது சுற்றை உறுதி செய்தார்.
மிலோஸ் ராவ்னிக் (கனடா), கிரிகோர் டிமிட்ரோவ் (பல்கேரியா), ஆன்டி முர்ரே (இங்கிலாந்து) ஆகியோரின் வீறுநடையும் தொடருகிறது.
பெண்கள் ஒற்றையர் 3-வது சுற்றில் ‘நம்பர் ஒன்’ வீராங்கனை ஏஞ்சலிக் கெர்பர் (ஜெர்மனி) 4-6, 7-6 (7-2), 6-4 என்ற செட் கணக்கில் போராடி ஷெல்பி ரோஜர்சை (அமெரிக்கா) தோற்கடித்தார். இதில் ஒரு கட்டத்தில் முதல் செட்டை இழந்து 2-வது செட்டில் 2-4 என்று பின்தங்கி தோல்வியின் விளிம்பில் தவித்த கெர்பர் அதன் பிறகு சரிவில் இருந்து எழுச்சி பெற்று வெற்றிக்கனியை பறித்தார்.
இதே போல் அக்னீஸ்கா ராட்வன்ஸ்கா (போலந்து) 3-6, 6-4, 6-1 என்ற செட் கணக்கில் பாக்சின்ஸ்கியையும் (சுவிட்சர்லாந்து), ஸ்பெயினின் கார்பின் முகுருஜா 6-2, 6-2 என்ற நேர் செட்டில் ருமேனியாவின் சோரனா கிர்ஸ்டியாவையும் சாய்த்து 4-வது சுற்றை எட்டினர். வோஸ்னியாக்கி (டென்மார்க்), குஸ்னெட்சோவா (ரஷியா), கோகோ வன்டேவெஜ் (அமெரிக்கா), ரைபரிகோவா (சுலோவக்கியா) ஆகியோரும் தங்களது ஆட்டங்களில் வெற்றி கண்டனர்.
பெண்கள் இரட்டையர் 2-வது சுற்றில் இந்தியாவின் சானியா மிர்சா- பெல்ஜியத்தின் பிலிப்கென்ஸ் கூட்டணி 6-3, 3-6, 6-4 என்ற செட் கணக்கில் இங்கிலாந்தின் நவோமி பிராடி-ஹீதர் வாட்சன் இணையை வீழ்த்தி 3-வது சுற்றுக்கு தகுதி பெற்றது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X