காங்கிரஸ் கட்சியின் மூத்த தலைவர் குருதாஸ் காமத் காலமானார்

காங்கிரஸ் கட்சியின் மூத்த தலைவர்கள் ஒருவர் குருதாஸ் காமத்(வயது 63). காங்கிரஸ் தலைமையிலான ஐக்கிய முற்போக்கு கூட்டணி ஆட்சியின்போது உள்துறை இணை மந்திரியாக பதவி வகித்தவர். தொலைத் தொடர்புத்துறை இணை மந்திரியாகவும், மும்பை காங்கிரஸ் தலைவராகவும் பதவி வகித்தார்.

இந்நிலையில், குருதாஸ் காமத்துக்கு இன்று காலை திடீரென உடல்நலக்குறைவு ஏற்பட்டது. இதையடுத்து அவரை உடனடியாக சாணக்யபுரியில் உள்ள தனியார் மருத்துவமனைக்கு கொண்டு சென்றனர். ஆனால் சிறிது நேரத்தில் அவர் மரணம் அடைந்தார்.  மாரடைப்பு காரணமாக அவர் இறந்திருக்கலாம் என கூறப்படுகிறது.