பாளை சித்த மருத்துவக்கல்லூரியில் பொங்கல் பண்டிகையை ஆடிப்பாடி கொண்டாடிய மாணவ-மாணவிகள்

நெல்லை:

தமிழர் திருநாளான பொங்கல் விழா வருகிற 15-ந்தேதி கொண்டாடப்பட உள்ளது. பாளை முருகன் குறிச்சியில் உள்ள அரசு சித்த மருத்துவக்கல்லூரியில் தமிழ் கலாச்சாரப்படி மாணவ- மாணவிகள் இன்று சமத்துவ பொங்கல் கொண்டாடினர்.


இதில் கலந்துகொண்ட பெரும்பாலான மாணவ- மாணவிகள் தமிழ் கலாச்சாரத்தின்படி வேஷ்டி, சட்டை மற்றும் சேலை அணிந்து கலந்து கொண்டனர். அவர்கள் குலவையிட்டு பொங்கலிட்டனர். மேலும் தமிழ் கலாச்சார நடனமான பொய்க்கால் குதிரையாட்டம், தப்பாட்டம் போன்ற நடனங்களை மாணவ- மாணவிகள் ஆடி மகிழ்ந்தனர்.

இந்த விழாவில் சித்தா கல்லூரியின் முதல்வர் நீலாவதி, பேராசிரியர்கள், பயிற்சி மருத்துவர்கள் உள்பட பலர் கலந்து கொண்டனர். முடிவில் அனைவருக்கும் சர்க்கரை பொங்கல் வழங்கப்பட்டது. #Pongal