தருமபுரி:
தருமபுரி மாவட்டம் பென்னாகரத்தை அடுத்துள்ள அலேபுரம் பகுதி குட்டூரை சேர்நத கூலித்தொழிலாளி தன் மனைவியுடன் திருப்பூரில் தங்கி வேலை பார்த்து வருகிறார்.
இந்த நிலையில் மாற்று திறனாளியான தனது 11 வயது மகளை கிருஷ்ணகிரியில் உள்ள கிறிஸ்தவ காப்பக பள்ளியில் சேர்த்துள்ளார்.
கடந்த 21-ந் தேதி சிறுமியின் பாட்டி பள்ளி விடுமுறையில் தனது பேத்தியை சொந்த ஊரான குட்டூருக்கு அழைத்து வந்தார். அப்போது சிறுமி தன் வீட்டுக்கு பின்புறம் விளையாடிக் கொண்டிருந்தபோது சிறுவன் அந்த சிறுமியை பாலியல் பலாத்காரம் செய்ததாக கூறப்படுகிறது.
இதைத்தொடர்ந்து சிறுமியின் பாட்டி பென்னாகரம் போலீசில் புகார் தெரிவித்ததையடுத்து இன்ஸ்பெக்டர் சிறுவனை பிடித்து விசாரித்ததில் உண்மையை சிறுவன் ஒப்புக்கொண்டான். இதனால் சிறுவன் மீது வழக்கு பதிவு செய்து சேலம் சிறார் சிறையில் அடைத்தனர்.
சிறுவனுடைய தந்தைக்கும், சிறுமியின் பாட்டிக்கும் முன் விரோதம் இருந்ததாக கூறப்படுகிறது. அந்த முன்விரோதத்தின் காரணமாக இந்த சிறுவன், மாற்று திறனாளி சிறுமியை பாலியல் பலாத்காரம் செய்திருப்பானோ? என்ற அச்சம் அந்த பகுதி பொதுமக்களிடம் ஏற்பட்டு உள்ளது. #tamilnews
