ஆண் குழந்தைகளின் அழகே அவர்கள் அணியும் ஆடையை வைத்தே மேம்படுகிறது. பெரிய ஆண் மகன்கள் அணிகின்ற அதே வகை ஆடைகளை அணிந்தாலும் லிட்டில் சார்ம்ஸ், குட்டி இளவரசன் என்றவாறு உருவாக்க ஆடைகளின் வடிவமைப்பு கூடுதல் அழகுடன் மேம்படுத்தப்படுகிறது. இதற்கென ஆடை வடிவமைப்பாளர்கள் ஆண்டுக்கு ஆண்டு அதிக மெனகெட்டு புதிய ஆடைகளை வடிவமைத்து தருகின்றனர்.
ஆண் குழந்தைகள் ஆடைகள் எனும்போது சார்ட்ஸ், ஜீன்ஸ், டீ-ஷர்ட், செட் டிரஸ்ஸஸ், சூட்ஸ், பைஜாமா, ஷெர்வாணி என்பதுடன் பிரத்யேகமான பண்டிகை ஆடைகள் போன்றவை வருகின்றன. இதில் பிரகாசமான வண்ணம் மற்றும் அழுத்தமான உருவங்கள் பிரிண்ட் செய்யப்பட்ட ஆடைகள் அதிகளவு ஆண் குழந்தைகளை கவர்கின்றன. தற்போது ஆண் குழந்தைகள் ஆடைகளில் கார்ட்டூன் உருவங்கள் பதித்த டீ-ஷர்ட்ஸ், ஸ்மார்ட் ஷர்ட்ஸ், அசத்தலான சூட்ஸ், தீம் ஆடைகள், நேரு கோட் ஆடைகள் போன்றவை அதிக பிரபலமானவையாக திகழ்கின்றன.
கம்பீரமான தோற்றமளிக்கும் கோட் சூட்ஸ்பெரியவர்களுக்கு உருவாவது போன்றே அதிக பொலிவு மற்றும் அதிக வனப்புடன் கூடிய கோட் சூட்ஸ் ஆண் குழந்தைகளுக்கு தைக்கப்படுகின்றன. முக்கை அமைப்புடன் கூடிய புல் சூட் பிளேசர் மற்றும் அதற்கேற்ற பேண்ட் போன்றவாறு கிடைக்கின்றன அதுபோல் அழகிய வண்ணச்சட்டை, டை மற்றும் மார்பு பக்கத்தில் மட்டும் அணியகூடிய கோட் போன்றவையும் கிடைக்கின்றன. பார்ட்டிகளுக்கு அணிந்து செல்ல ஏற்ற கோடுகள் போட்ட வித்தியாசமான அமைப்புடன் கம்பீரமாக தோற்றமளிக்க செய்யும் கூடிய கோட் சூட்களும் கிடைக்கின்றன. இதில் உட்புற சட்டைக்கு பதிலாக டீ-ஷர்ட் இணைப்பு வழங்கப்படுகிறது.
கார்ட்டூன் உருவ டீ-ஷர்ட்கள்குழந்தைகள் என்றாலே கார்ட்டூன் உருவங்களைதான் அதிகம் பிடிக்கும். எனவே ஆண் குழந்தைகள் அணிய ஏற்ற விதவிதமான கார்ட்டூன் உருவம் பிரிண்ட் செய்த டீ-ஷர்ட் உருவாக்கப்படுகின்றன. சில விலங்குகளின் வித்தியாசமான வடிவம், டிஸ்னி கார்ட்டூன் உருவங்கள், ஓகி, டோரா, பேட்மேன், சோட்டாபீம், ஹனுமன் போன்றவை அழகிய வண்ண சேர்ப்புடன் பிரிண்ட் செய்யப்பட்ட டீ-ஷர்ட்கள் வருகின்றன. இத்துடன் கார்ட்டூன் உருவங்கள் டீ-ஷர்ட் மீது எம்போஸ் மற்றும் உருவ அமைப்புடன் தொங்கும் வகையிலும் டீ-ஷர்ட் வருகின்றன.
சூப்பரான ஸ்மார்ட் சட்டைகள் ஆண் குழந்தைகளுக்கு என வித்தியாசமான பேட்டர்ன் மற்றும் தையல் அமைப்புகளுடன் சட்டைகள் வருகின்றன. பிரிண்ட் மற்றும் கட்டம் போட்ட சட்டைகளின் பாக்கெட் மற்றும் கை பகுதிகள் அதிக வித்தியாசத்துடன் தெரிவதற்கு என பிரத்யேகமான பட்டன் மற்றும் பிற இணைப்புகளுடன் சட்டை வருகின்றன. இந்த சட்டைகள் ஒற்றை நிறம் மற்றும் பல வண்ண கலப்புடன் பூக்கள், நேர்கோடு, குறுக்கு கோடு உள்ளவை போன்று உருவாக்கப்படுகின்றன. ஒரு வண்ண துணியமைப்பு மீது வேறு வண்ண துணியில் பூக்கள் மற்றும் இலைகள் செய்யப்பட்டு அதன் மீது இணைப்பு செய்யப்பட்ட சட்டை அதி அற்புதமான வடிவமைப்பு. மெல்லிய லேஸ் அமைப்பு உருவங்கள் சட்டை மீது பிரியாதவாறு தைக்கப்பட்டுள்ளன.
ராஜகம்பீர ஷெர்வாணிகள் பிறந்த நாள், பண்டிகை மற்றும் பொது விழாக்களுக்கு அணிய ஏற்றவாறு இளவரசன் போல் தோற்றமளிக்கும் ராஜகம்பீர ஷெர்வாணிகள் கூடுதல் பொலிவுடன் உருவாக்கம் பெறுகின்றன. கண்ணை கவரும் பளபளப்பு, மெத்தென்ற மேற்புற நீளமான சட்டை அதன் மீது அழகிய எம்பிராய்டரி மற்றும் சரிகை வேலைப்பாடுகள் வியப்பில் ஆழ்த்துகின்றன. பிட்டு, ஜார்ஜெட், ஷிப்பான் துணிகளின் பளபளப்புக்கு ஏற்றவாறு வடிவமைப்பில் கூடுதல் கவனம் செலுத்தப்படுகிறது. ஆண் குழந்தைகளின் அட்டகாச தோற்றத்தை பொலிவு செய்யும் வண்ணம் ஆடை மேல் அணிய சில புது உபகரணங்கள், பதக்கங்கள், செயின்கள் போன்றவை தரப்படுகிறது. எனவே ஆண் குழந்தைகளின் ஆடை அணிவகுப்பு என்பது பலவிதமான வடிவங்கள், வண்ணம், தனிப்பட்ட கூடுதல் தையல்கள் கொண்டவாறு அழகுடன் உருவாகின்றன.
