திருப்பரங்குன்றம்: தங்கக்குதிரை வாகனத்தில் முருகப்பெருமான் வீதி உலா

திருப்பரங்குன்றம் முருகன் கோவிலில் பங்குனி திருவிழா கொடியேற்றத்துடன் தொடங்கி நடைபெற்று வருகிறது. திருவிழாவில் நேற்று பங்குனி உத்திரம் நடைபெற்றது.

அப்போது தெய்வானையுடன் முருகப்பெருமான் சர்வ அலங்காரத்தில் அருள்பாலித்தார். மேலும் இரவு 7 மணியளவில் தெய்வானையுடன் முருகப்பெருமான் தங்கக்குதிரை வாகனத்தில் வீதி உலா வந்து பக்தர்களுக்கு அருள்பாலித்தார். விழாவில் இன்று (சனிக்கிழமை) சூரசம்ஹார லீலை நடக்கிறது.

நாளை (ஞாயிற்றுக்கிழமை) இரவு 7 மணியளவில் கோவிலுக்குள் உள்ள ஆறு கால் மண்டபத்தில் முருகப்பெருமானுக்கு கீரிடம் சூட்டி செங்கோல் வழங்கி பட்டாபிஷேகம் நடக்கிறது.