ஏ.ஆர்.முருகதாஸ் இயக்கத்தில் விஜய் நடித்து வரும் சர்கார். இப்படத்தின் பர்ஸ்ட் லுக் போஸ்டர் விஜய்யின் பிறந்த நாளை முன்னிட்டு வெளியிடப்பட்டது. இப்படத்தின் படப்பிடிப்பு மும்முரமாக நடைபெற்று வருகிறது.
இப்படத்தில் விஜய்க்கு வில்லனாக ஜானி நடித்து வருவதாக செய்திகள் வெளியானது. சூர்யா நடிப்பில் வெளியான ‘7-ஆம் அறிவு’ படத்தில் வில்லனாக நடித்திருந்தார் ஜானி. ஆனால், சர்கார் படத்தில் இவர் வில்லன் இல்லை என்றும் இந்த செய்தி வதந்தி என்றும் கூறப்படுகிறது.
சன் பிக்சர்ஸ் நிறுவனம் தயாரித்து வரும் இப்படத்தில் விஜய்க்கு ஜோடியாக கீர்த்தி சுரேஷ் நடிக்கிறார். ராதாரவி, பழ.கருப்பையா, வரலட்சுமி சரத்குமார் ஆகியோர் முக்கிய கதாபாத்திரத்தில் நடிக்கிறார்கள். ஏ.ஆர்.ரஹ்மான் இசையமைத்து வரும் இதற்கு கிரீஸ் கங்காதரன் ஒளிப்பதிவு செய்கிறார்.
இந்த படத்தை இந்தாண்டு (2018) தீபாவளி பண்டிகையை முன்னிட்டு ரிலீஸ் செய்ய படக்குழுவினர் திட்டமிட்டுள்ளனர். #Sarkar #VIJAY
