நீங்கள் தேடியது "விமர்சிக்கும் சுவரொட்டிகள்"

ரேபரேலி:

காங்கிரஸ் பொதுச்செயலாளராக நியமிக்கப்பட்ட சோனியாகாந்தியின் மகள் பிரியங்கா, உத்தரபிரதேசத்தில் தீவிர பிரசாரம் மேற்கொண்டு வருகிறார். அவர் நேற்று தனது தாயாரின் சொந்த தொகுதியான ரேபரேலிக்கு சென்றார்.அதே சமயத்தில், அவரை விமர்சித்து ஏராளமான சுவரொட்டிகள் ரேபரேலி நகரில் ஒட்டப்பட்டு இருந்தன. சில சுவரொட்டிகள், காங்கிரஸ் அலுவலகத்துக்கு அருகிலேயே காணப்பட்டன. அதில், சோனியா-பிரியங்கா ஆகிய இருவரின் புகைப்படங்களும் இருந்தன. ஒரு சுவரொட்டியில், “தாயும், மகளும் கஷ்டமான தருணங்களில் ரேபரேலிக்கு வருவதே இல்லை. ஆனால், தேர்தல் நேரத்தில் மட்டும் வருகின்றனர்” என்று கூறப்பட்டு இருந்தது.

மேலும், ராகுல் காந்தியின் அமேதி தொகுதியில் ஒட்டப்பட்டு இருந்த ஒரு சுவரொட்டியில், “5 ஆண்டுகளுக்கு ஒருமுறை மட்டுமே ஏன் அமேதிக்கு வருகிறீர்கள்? எங்களை முட்டாள் ஆக்காதீர்கள்” என்று பிரியங்கா படம் போட்டு விமர்சனம் செய்யப்பட்டு இருந்தது.