என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » pugalur canal
நீங்கள் தேடியது "pugalur canal"
கோரிக்கைகளை ஏற்று காவிரி ஆற்றில் இருந்து புகளூர் வாய்க்காலுக்கு தண்ணீர் திறக்கப்பட்டதால் விவசாயிகள் மகிழ்ச்சி அடைந்தனர்.
வேலாயுதம்பாளையம்:
கரூர் மாவட்டத்தில் நொய்யல் முதல் வாங்கல் வரை சுமார் 25 ஆயிரத்திற்க்கும் மேற்பட்ட ஏக்கரில் கரும்பு, வாழை, வெற்றிலை, நெல், கோரை, பூக்கள், மரவள்ளிகிழங்கு, மக்காச்சோளம் உள்ளிட்ட பல்வேறு வகையான பணப் பயிர்களை விவசாயிகள் விவசாயம் செய்து வருகின்றனர்.
கடந்த சில மாத காலமாக காரணாம்பாளையம் காவிரி ஆற்றிலிருந்து புகளூர் வாய்க்காலுக்கு தண்ணீர் திறந்து விடப்படாததால், புகளூர் வாய்க்காலை நம்பி விவசாயம் செய்து வரும் விவசாயிகள் தங்களின் விவசாய பயிர்களான வாழை, வெற்றிலை, கரும்பு, கோரை, நெல், பூக்கள் உள்ளிட்ட பல்வேறு பயிர்களுக்கு தண்ணீர் பாய்ச்ச முடியாமல் அவதியுற்று வந்தனர். இதனால் பயிர்கள் தண்ணீரின்றி கருகி வந்தன.
இந்தநிலையில் கர்நாடகா மாநிலத்தில் தொடர்ந்து பெய்து வரும் மழையின் காரணமாக அங்குள்ள அணைகள் நிரம்பி அதிகளவில் உபரிநீர் வெளியேற்றப்பட்டு வருகிறது. இதன் காரணமாக மேட்டூர் அணையின் நீர்மட்டம் முழு கொள்ளளவை எட்டியது.
மேட்டூர் அணையிலிருந்து சுமார் 70 ஆயிரம் கன அடி தண்ணீர் திறந்து விடப்பட்டுள்ளது. கடந்த வாரம் ஞாயிற்றுக்கிழமை ஜேடர்பாளையம் அணைக்கட்டிலிருந்து ராஜவாய்க்காலுக்கு தண்ணீர் திறந்து விடப்பட்டது. காவிரி ஆற்றில் அதிகளவு தண்ணீர் சென்றும் கடந்த வாரம் புகளுர் வாய்க்காலில் தண்ணீர் திறக்கப்படவில்லை.
இதையடுத்து விவசாயிகளின் கோரிக்கையை ஏற்று நேற்று முன்தினம் புகளூர் வாய்க்காலுக்கு பாசனத்திற்காக தண்ணீர் திறந்து விடப்பட்டது. ஆனால் புகளூர் வாய்க்காலில் குறைந்தளவு தண்ணீரே வந்து கொண்டிருக்கிறது.
எனவே புகளுர் வாய்க்காலில் கடைமடை தண்ணீர் செல்ல அதிக தண்ணீர் திறந்துவிட வேண்டுமென நொய்யல், வேலாயுதம்பாளையம், வாங்கல் பகுதி விவசாயிகள் கோரிக்கை விடுத்துள்ளனர். மேலும் காவிரி ஆற்றிலிருந்து புகளூர் வாய்க்காலுக்கு தண்ணீர் திறந்து விடப்பட்டுள்ளதால் விவசாயிகள் மகிழ்ச்சி அடைந்துள்ளனர்.
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X