நீங்கள் தேடியது "boy molestation"

கொடைக்கானல்:

கொடைக்கானல் செண்பகனூர் அருகே உள்ள வைரவன் கோவில் தெருவைச் சேர்ந்தவர் தவமணி. இவரது மகன் நாகராஜ் (வயது 14). மன நலம் பாதிக்கப்பட்ட மாற்றுத்திறனாளி. இவனிடம் அதே பகுதியைச் சேர்ந்த மணி என்ற காட்டுமணி (65) குடி போதையில் அடிக்கடி செக்ஸ் தொல்லை கொடுத்து வந்தார்.

சம்பவத்தன்று சிறுவனை தனியாக அழைத்துச் சென்று தகாத உறவில் ஈடுபட்ட போது அவன் கூச்சலிட்டான். அக்கம் பக்கத்தில் இருந்தவர்கள் ஓடி வந்து காட்டு மணியை பிடித்து கொடைக்கானல் போலீஸ் நிலையத்தில் ஒப்படைத்தனர்.

சப்-இன்ஸ்பெக்டர் பொன் குணசேகரன் விசாரணை நடத்தியதில் காட்டு மணி சிறுவனிடம் அடிக்கடி செக்ஸ் தொல்லை கொடுத்து வந்தது தெரியவந்தது. இதனையடுத்து போக்சோ சட்டத்தின் கீழ் காட்டு மணியை கைது செய்து சிறையில் அடைத்தனர்.

திருவண்ணாமலை:

திருவண்ணாமலை ஆசிரியர் நகரை சேர்ந்தவர் பன்னீர்செல்வம் (வயது 36). ஓட்டல் தொழிலாளி.

திருவண்ணாமலை அடுத்த தானிப்பாடி செ.ஆண்டாப்பட்டு கிராமத்தை சேர்ந்த ஒரு 17 வயதுடைய சிறுவன் வேலை வாங்கித் தருமாறு பன்னீர் செல்வத்தை அணுகினான்.

பன்னீர்செல்வம் தனக்கு தெரிந்த ஓட்டலில் வேலை வாங்கித் தருவதாக கூறி அந்த சிறுவனை பைக்கில் அழைத்துச் சென்றார். செங்கம் சாலையில் உள்ள மறைவான இடத்திற்குள் பைக்கை திடீரென ஓட்டிச் சென்றார்.

மறைவான பகுதிக்குள் எதற்கு செல்கிறோம் என்று கேட்டதற்கு பன்னீர் செல்வம் பதிலளிக்காமல் மிரட்டினார். மேலும், ஆள் நடமாட்டம் இல்லாத பகுதியில் பைக்கை நிறுத்தி விட்டு சிறுவனை ஓரினச்சேர்க்கைக்கு வருமாறு அழைத்து பாலியல் தொல்லை கொடுத்தார்.

அதிர்ச்சியடைந்த சிறுவன் ஆசைக்கு இணங்க மறுத்தார். பன்னீர்செல்வம் தொடர்ந்து அச்சுறுத்தும் படி பேசியதால் சிறுவன் அங்கிருந்து தப்பி ஓட்டம் பிடித்தார்.

இதுப்பற்றி பெற்றோரிடம் சிறுவன் கூறினான். இதையடுத்து, திருவண்ணாமலை டவுன் போலீசில் சிறுவன் தரப்பில் பன்னீர் செல்வம் மீது புகார் அளிக்கப்பட்டது. சிறுவனை மிரட்டி பாலியல் தொல்லை கொடுத்து ஓரின சேர்க்கையில் ஈடுபட முயன்றதாக வழக்குப் பதிவு செய்து பன்னீர் செல்வத்தை போலீசார் கைது செய்தனர். இச்சம்பவம் பரபரப்பை ஏற்படுத்தியது.