கொலம்பியாவை விடாத கொரோனா - 95 ஆயிரத்தை கடந்தது பலி எண்ணிக்கை

கொலம்பியா:

சீனாவில் கண்டுபிடிக்கப்பட்ட கொரோனா-வைரஸ் தற்போது உலகையே உலுக்கி வருகிறது. உலகம் முழுவதும் 210 நாடுகளுக்கு மேல் பரவியுள்ள இந்த வைரஸ் பெருமளவில் மனித பேரழிவை ஏற்படுத்தி வருகிறது.

  

கொரோனா பாதிப்பு அதிகமுள்ள நாடுகளின் பட்டியலில் கொலம்பியா 11-வது இடத்தில் உள்ளது

இந்நிலையில், கொலம்பியாவில் கொரோனா-வைரஸ் தொற்றால் பாதிப்பு அடைந்தோர் எண்ணிக்கை 37 லட்சத்தைக் கடந்துள்ளது.

 

அங்கு கொரோனா வைரசுக்கு உயிரிழந்தோர் எண்ணிக்கை 95 ஆயிரத்தைத் தாண்டியுள்ளது.

கொரோனா தொற்றில் இருந்து 34.50 லட்சத்துக்கும் அதிகமானோர் குணமடைந்துள்ளனர். மேலும் 1.72 லட்சத்துக்கும் மேற்பட்டோர் சிகிச்சை பெற்று வருகின்றனர்.