என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
பிரிட்டன் சாலையில் மர்மமான முறையில் இறந்து கிடந்த ஸ்டார்லிங் பறவைகள்
Byமாலை மலர்13 Dec 2019 6:38 AM GMT (Updated: 13 Dec 2019 6:38 AM GMT)
பிரிட்டனின் ஆங்லெசே தீவின் சாலையில் 200க்கும் மேற்பட்ட ஸ்டார்லிங் பறவைகள் மர்மமான முறையில் இறந்து கிடந்த சம்பவம் அப்பகுதியில் பரபரப்பை ஏற்படுத்தியது.
லண்டன்:
பிரிட்டனின் வேல்ஸ் நாட்டில் உள்ளது ஆங்லேசே தீவு. இத்தீவில் உள்ள பாடெர்டென் கிராமத்தின் லின் லில்வென் குளப்பகுதியில் உள்ள சாலையில் நூற்றுக்கணக்கான ஸ்டார்லிங் பறவைகள் மர்மமான முறையில் இறந்து கிடந்தன.
லின் லில்வென் குளப்பகுதி புதர்வெளிகள் அதிகம் நிறைந்த பகுதியாகும். ஆனால் சாலையின் இருபுறம் உள்ள புதர்வெளிகளில் ஒரு பறவை கூட இறந்த நிலையில் காணப்படவில்லை.
இது குறித்து போலீசார் கூறுகையில், ‘இது எப்படி நடந்தது என்பது குழப்பமான ஒன்றாக உள்ளது. சாலையில் ஏறக்குறைய 225 ஸ்டார்லிங் பறவைகள் மற்றும் சில சாலையின் ஓரம் உள்ள புல்வெளிகளின் அருகில் இறந்து கிடந்தன. இவை கடந்த செவ்வாய் கிழமை மதியம் இறந்துள்ளன. பறவைகளின் உடல்களை ஆய்வு செய்ய அரசு விலங்கு மற்றும் தாவர சுகாதார அமைப்பின் நிபுணர்கள் அழைக்கப்பட்டுள்ளனர். இது குறித்து விசாரணை நடைபெற்று வருகிறது’ என கூறினர்.
ஸ்டார்லிங் பறவை என்பது ஸ்டர்னிடே பறவைகள் குடும்பத்தைச் சேர்ந்ததாகும். ஸ்டார்லிங் பறவைகளில் பெரியவை ஆசியாவில் மைனா என்றழைக்கப்படுகின்றன என்பது குறிப்பிடத்தக்கது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X