என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
அவன்பீல்டு வழக்கு - நவாஸ் ஷெரீப்புக்கு 10 ஆண்டுகள், மகளுக்கு 7 ஆண்டுகள் சிறை
Byமாலை மலர்6 July 2018 11:42 AM GMT (Updated: 6 July 2018 12:30 PM GMT)
லண்டனில் அவன்பீல்டு அடுக்குமாடி குடியிருப்பு கட்டிய வழக்கில் பாகிஸ்தான் முன்னாள் பிரதமர் நவாஸ் ஷெரீப்புக்கு 10 ஆண்டுகள், மகள் மர்யம் நவாஸ்க்கு 7 ஆண்டுகள் சிறை தண்டனை விதிக்கப்பட்டுள்ளது. #AvenfieldReference #NawazSharif
இஸ்லாமாபாத்:
பணாமா லீக்ஸ் விவகாரத்தில் தண்டிக்கப்பட்டு பிரதமர் பதவியை இழந்த நவாஸ் ஷ்ரீப் தற்போது அவ்வழக்கில் மேல்முறையீட்டு விசாரணையை சந்தித்து வருகிறார். இந்த வழக்கில் உள்ள பல்வேறு குற்றச்சாட்டுகள் தனித்தனியாக விசாரிக்கப்பட்டு வருகிறது.
முதல் வழக்கான, லண்டன் அவன்பீல்டு அடுக்குமாடி குடியிருப்பில் 4 வீடுகளை அவர் ஊழல் செய்த பணத்தில் வாங்கியதாக உள்ள குற்றச்சாட்டை விசாரித்த தேசிய பொறுப்புடைமை நீதிமன்றம் ஏற்கனவே 4 முறை தீர்ப்பு தேதியை ஒத்தி வைத்தது. இந்நிலையில், இன்று இவ்வழக்கில் 100 பக்கங்கள் கொண்ட தீர்ப்பை நீதிபதி வழங்கினார்.
நவாஸ் ஷெரீப் மீதான குற்றம் உறுதியானதால் அவருக்கு 10 ஆண்டுகள் தண்டனையும், அவரது மகள் மர்யம் நவாஸ்க்கு 7 ஆண்டுகள் சிறை தண்டனையும் விதித்து நீதிபதி உத்தரவிட்டார். மேலும், நவாஸின் மருமகன் சாப்தாருக்கு ஒரு ஆண்டு சிறை தண்டனையும் விதிக்கப்பட்டது.
நவாஸ் ஷெரீப்புக்கு 10 மில்லியன் அமெரிக்க டாலர், மர்யம் நவாஸுக்கு 2 மில்லியன் அமெரிக்க டாலர் அபராதமும் விதித்து நீதிபதி தீர்ப்பளித்தார்.
தற்போது, லண்டனில் புற்றுநோய் சிகிச்சை எடுத்து வரும் மனைவி குல்சோம் நவாஸை கவனித்து கொள்வதற்காக, நவாஸ் ஷெரீப் மற்றும் மர்யம் நவாஸ் லண்டனில் உள்ளனர் என்பது குறிப்பிடத்தக்கது.
பாகிஸ்தானில் வரும் 25-ம் தேதி பாராளுமன்ற தேர்தல் வர உள்ள நிலையில், நவாஸ் ஷெரீப்புக்கு வழங்கப்பட்ட இந்த தீர்ப்பு அந்நாட்டு அரசியலில் அதிர்வலைகளை ஏற்படுத்தியுள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X