சென்னை:
சென்னையில் தங்கம் விலை அதிரடியாக குறைவதும் அதன்பிறகு சற்று உயருவதுமாக உள்ளது. கடந்த 28-ந்தேதி ஒரு பவுன் தங்கம் ரூ.38,440-க்கு விற்கப்பட்டது. அது மறுநாள் 29-ந்தேதி ரூ.38,120-ஆக குறைந்தது. 30-ந்தேதி மீண்டும் உயர்ந்து ரூ.38,320 ஆனது.
கடந்த 31-ந்தேதி தங்கம் விலை மீண்டும் குறைந்து பவுன் ரூ.38,032-க்கு விற்றது. கடந்த 1-ந்தேதி தங்கம் விலை அதிரடியாக குறைந்து ரூ.38 ஆயிரத்துக்கு கீழே வந்தது. அன்று பவுன் ரூ.37,680-க்கு விற்கப்பட்டது.
அதன்பிறகு தங்கம் விலை தொடர்ந்து உயரத் தொடங்கியது. 2-ந்தேதி ஒரு பவுன் ரூ.37,720 ஆக உயர்ந்தது. 3-ந்தேதி மீண்டும் உயர்ந்து ரூ.37,776 ஆனது. நேற்றும் அதே விலையில் நீடித்தது.
இந்த நிலையில் தங்கம் விலை இன்று மீண்டும் உயர்ந்துள்ளது. இன்று பவுனுக்கு ரூ.112 அதிகரித்து ரூ.37,888-க்கு விற்கப்படுகிறது. ஒரு கிராம் தங்கம் நேற்று ரூ.4,722-க்கு விற்கப்பட்டது. இன்று கிராமுக்கு ரூ.14 அதிகரித்து ரூ.4,736-க்கு விற்கப்படுகிறது.
இதேபோல் வெள்ளி விலையும் இன்று அதிகரித்துள்ளது. நேற்று ஒரு கிராம் வெள்ளி ரூ.58.20-க்கு விற்கப்பட்டது. இன்று கிராமுக்கு 30 காசுகள் அதிகரித்து ரூ.58.50-க்கு விற்கப்படுகிறது. ஒரு கிலோ பார் வெள்ளி ரூ.58,500-க்கு விற்கப்படுகிறது.
