பாஜக ஆதரவு யாருக்கு ? எடப்பாடியை தொடர்ந்து ஓ.பி.எஸ் உடன் அண்ணாமலை சந்திப்பு

சென்னை கிரீன்வேஸ் சாலையில் உள்ள எடப்பாடி பழனிசாமியின் இல்லத்தில் பாஜக மாநில தலைவர் அண்ணாமலை இன்று காலை சந்தித்துள்ளார்.

இந்த சந்திப்பின்போது ஈரோடு கிழக்கு தொகுதி இடைத்தேர்தல் குறித்து ஆலோசனை நடத்தப்பட்டதாக தகவல் வெளியாகி உள்ளது.

இந்நிலையில், எடப்பாடி பழனிசாமியின் சந்திப்பை தொடர்ந்து பாஜக மாநில தலைவர் அண்ணாமலை முன்னாள் முதல்வர் ஓ.பன்னீர்செல்வத்தை சந்தித்துள்ளார். சந்திப்பின்போது, ஈரோடு கிழக்கு தொகுதி இடைத்தேர்தல் குறித்து ஆலோசனை நடத்தப்படுவதாக தகவல் வெளியாகி உள்ளது.

ஈபிஎஸ், ஓபிஎஸ் உடனான சந்திப்புக்கு பிறகு பாஜக தலைமை அலுவலகத்தில் முக்கிய நிர்வாகிகளுடன் ஆண்ணாமலை ஆலோசிக்க உள்ளார் என்றும் கூறப்படுகிறது.

அதிமுக தரப்பில் ஈ.பி.எஸ், ஓ.பி.எஸ் என இரு அணியினரையும் அண்ணாமலை சந்தித்துள்ள நிலையில், ஈரோடு கிழக்கு தொகுதி இடைத்தேர்தலில் பாஜக ஆதரவு யாருக்கு என்ற எதிர்பார்ப்பு அதிகரித்துள்ளது.