மேட்டூர்:
கர்நாடகாவில் காவிரி நீர்ப்பிடிப்பு பகுதிகளில் மழை குறைந்ததால் மீண்டும் கர்நாடக அணைகளில் இருந்து தண்ணீர் திறப்பு படிப்படியாக குறைக்கப்பட்டது.
நேற்று 2 அணைகளில் இருந்தும் 36 ஆயிரம் கன அடி தண்ணீர் காவிரி ஆற்றில் திறந்து விடப்பட்ட நிலையில் இன்று தண்ணீர் திறப்பு 7 ஆயிரம் கன அடியாக குறைக்கப்பட்டது.
இதனால் மேட்டூர் அணைக்கு நேற்று 28 ஆயிரம் கன அடி தண்ணீர் வந்த நிலையில் இன்று நீர் வரத்து 22 ஆயிரம் கன அடியாக சரிந்தது.
அணையில் இருந்து நேற்று 27 ஆயிரத்து 800 கன அடி தண்ணீர் திறந்த விடப்பட்ட நிலையில் இன்று தண்ணீர் திறப்பு 20 ஆயிரத்து 800 கன அடியாக குறைக்கப்பட்டது. அணையின் நீர்மட்டம் இன்று காலை 120.05 அடியாக இருந்தது.
கர்நாடக அணைகளில் தண்ணீர் திறப்பு இன்று மேலும் குறைக்கப்பட்டதால் இனி வரும் நாட்களில் மேட்டூர் அணைக்கு நீர்வரத்து மேலும் சரிய வாய்ப்புள்ளது.
ஒகேனக்கல் காவிரி ஆற்றில் நேற்று 31 ஆயிரம் கன அடியாக இருந்த நீர்வரத்து இன்று 23 ஆயிரம் கன அடியாக சரிந்தது. மெயின் அருவி, ஐந்தருவி உள்பட அனைத்து அருவிகளிலும் தண்ணீர் கொட்டுகிறது.
அருவியில் குளிக்க தடை விதிக்கப்பட்டது. முதலைப் பண்ணை, நாகர்கோவில் உள்பட பகுதிகளில் காவிரி கரையோரம் சுற்றுலா பகுதிகளில் குளிக்க அனுமதிக்கப்பட்டனர்.
வழக்கமான பாதை யில் இன்று காலை முதல் பரிசல் இயக்க அனுமதிக்கப் பட்டதால் சுற்றுலா பயணி கள் உற்சாகமாக பரிசல் சவாரி சென்று மகிழ்ந்தனர். #Metturdam #Cauvery
