இந்தியா - வெஸ்ட் இண்டீஸ் இடையிலான ஐந்து போட்டிகள் கொண்ட ஒருநாள் கிரிக்கெட் தொடர் நேற்றோடு முடிவடைந்தது. இதில் இந்திய அணி கேப்டன் விராட் கோலி மூன்று சதங்களுடன் 453 ரன்கள் குவித்தார். இதனால் ஒருநாள் போட்டி தரவரிசைக்கான 15 புள்ளிகள் பெற்ற மொத்தம் 899 புள்ளிகளுடன் முதல் இடத்தில் உள்ளார்.
மற்றொரு இந்திய பேட்ஸ்மேன் ஆன ரோகித் சர்மா 871 புள்ளிகளுடன் 2-வது இடத்தில் உள்ளார். ரோகித் சர்மா 389 ரன்கள் குவித்ததால் 29 புள்ளிகள் பெற்றார்.
ஜோ ரூட் 807 புள்ளிகளுடன் 3-வது இடத்திலும், டேவிட் வார்னர் 803 புள்ளிகளுடன் 4-வது இடத்திலும், பாபர் ஆசம் 798 புள்ளிகளுடன் ஐந்தாவது இடத்திலும், ராஸ் டெய்லர் 785 புள்ளிகளுடன் 6-வது இடத்திலும் உள்ளனர்.
கேன் வில்லியம்சன் 778 புள்ளிகளுடன் 7-வது இடத்திலும், குயின்டான் டி காக் 769 புள்ளிகளுடன் 8-வது இடத்திலும், தவான் 767 புள்ளிகளுடன் 9-வது இடத்திலும், டு பிளிசிஸ் 753 புள்ளிகளுடன் 10-வது இடத்திலும் உள்ளனர்.
