என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
தினேஷ் திரிவேதி ராஜினாமா- காலியான மாநிலங்களவை எம்.பி. பதவிக்கு இடைத்தேர்தல்
Byமாலை மலர்16 July 2021 12:27 PM GMT (Updated: 16 July 2021 12:27 PM GMT)
இடைத்தேர்தலின்போது கொரோனா தடுப்பு நெறிமுறைகள் பின்பற்றப்பட வேண்டும் என்று தேர்தல் ஆணையம் கூறி உள்ளது.
புதுடெல்லி:
மேற்கு வங்காளத்தில் இருந்து திரிணாமுல் காங்கிரஸ் கட்சி சார்பில் மாநிலங்களவைக்கு தேர்ந்தெடுக்கப்பட்ட தினேஷ் திரிவேதி கடந்த பிப்ரவரி 12ம் தேதி பதவியை ராஜினாமா செய்தார். அவரது எம்.பி. பதவிக்காலம் 2026ம் ஆண்டு ஏப்ரல் மாதம் வரை இருந்த நிலையில், மேற்கு வங்காளத்தில் நடக்கும் வன்முறைகளை கட்டுப்படுத்த இயலாததால் ராஜினாமா செய்வதாக கூறினார். அதன்பின்னர் திரிணாமுல் காங்கிரசில் இருந்து விலகி பா.ஜ.க.வில் இணைந்தார்.
இந்நிலையில், தினேஷ் திரிவேதி ராஜினாமா செய்ததால் காலியாக உள்ள மாநிலங்களவை எம்.பி. பதவிக்கு ஆகஸ்ட் 9ம் தேதி இடைத்தேர்தல் நடத்தப்படும் என தேர்தல் ஆணையம் இன்று அறிவித்துள்ளது. இதற்கான அறிவிப்பாணை வரும் 22ம் தேதி வெளியிடப்படும் என்றும் தெரிவித்துள்ளது.
இடைத்தேர்தலின் போது கொரோனா தடுப்பு நெறிமுறைகள் பின்பற்றப்பட வேண்டும் என்றும் தேர்தல் ஆணையம் கூறி உள்ளது.
கொரோனா பரவலைக் கருத்தில் கொண்டு சில பாராளுமன்ற, சட்டமன்ற தொகுதிகளுக்கான இடைத்தேர்தலை தேர்தல் ஆணையம் ஒத்திவைப்பதாக மே மாதம் அறிவித்தது. இதேபோல், ஆந்திரா மற்றும் தெலுங்கானாவில் காலியாக உள்ள 9 சட்டமேலவை உறுப்பினர் பதவிகளுக்கான தேர்தலையும் தள்ளி வைத்தது குறிப்பிடத்தக்கது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X