என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
உள்துறை மந்திரி அமித்ஷா இன்று கர்நாடகம் வருகை
Byமாலை மலர்16 Jan 2021 2:35 AM GMT (Updated: 16 Jan 2021 2:35 AM GMT)
2 நாள் சுற்றுப்பயணமாக மத்திய உள்துறை மந்திரி அமித்ஷா இன்று (சனிக்கிழமை) கர்நாடகம் வருகிறார்.
பெங்களூரு :
மத்திய உள்துறை மந்திரி அமித்ஷா 2 நாள் சுற்றுப்பயணமாக இன்று (சனிக்கிழமை) கர்நாடகம் வருகிறார். காலை 11.30 மணிக்கு தனி விமானம் மூலம் பெங்களூரு எச்.ஏ.எல். விமான நிலையத்தில் வந்து இறங்குகிறார். அவரை முதல்-மந்திரி எடியூரப்பா உள்பட மந்திரிகள் வரவேற்கிறார்கள். அதன் பிறகு அவர் ஹெலிகாப்டர் மூலம் சிவமொக்கா மாவட்டம் பத்ராவதிக்கு செல்கிறார்.
அங்கு அதிவிரைவு படை பிரிவை அமித்ஷா தொடங்கி வைக்கிறார். பின்னர் மீண்டும் பெங்களூரு வரும் அவர், விதான சவுதாவில் நடைபெறும் அரசு நிகழ்ச்சி ஒன்றில் கலந்து கொள்கிறார். அதைத்தொடர்ந்து கவர்னர் மாளிகையில் இன்று இரவு தங்கும் அவர், நாளை (ஞாயிற்றுக்கிழமை) பாகல்கோட்டையில் உள்ள நிரானி குழும நிறுவனங்களின் நிகழ்ச்சியில் கலந்து கொள்கிறார்.
அதை முடித்துக் கொண்டு அவர் பெலகாவி மருத்துவ கல்லூரியில் நடைபெறும் உயர்தர பயிற்சி மைய தொடக்க விழாவில் கலந்து கொள்கிறார். அதன் பிறகு அவர் பெலகாவியில் மறைந்த ரெயில்வே இணை மந்திரி சுரேஷ் அங்கடி வீட்டிற்கு நேரில் சென்று ஆறுதல் கூறுகிறார்.
அதன் பிறகு அவர் டெல்லி புறப்பட்டு செல்வார் என்று கூறப்படுகிறது. அமித்ஷா வருகையை முன்னிட்டு அவர் பங்கேற்கும் நிகழ்ச்சிகளில் பலத்த போலீஸ் பாதுகாப்பு ஏற்பாடுகளை போலீசார் மேற்கொண்டுள்ளனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X