வரலாற்றை மாற்ற முயற்சிப்பவர்கள் தோற்றுப்போவார்கள் - ஹமீது அன்சாரி சாடல்

டெல்லி:

டெல்லியில் ‘டைம் மிசின்’ என்ற புத்தக வெளியீட்டு விழா இன்று நடந்தது. முன்னாள் ஜனாதிபதி பிரனாப் முகர்ஜி, முன்னாள் துணை ஜனாதிபதி ஹமீது அன்சாரி, முன்னாள் பிரதமர் மன்மோகன் சிங் ஆகியோர் இந்த நிகழ்ச்சியில் கலந்து கொண்டனர். இந்நிகழ்ச்சியில் ஹமீது அன்சாரி பேசும் போது:-

வரலாறு என்பது வரலாறு மட்டுமே. அதனை படிக்கலாம். நீங்கள் அதிலிருந்து பாடங்களை எடுத்துக்கொள்ளலாம். ஆனால், அதனை மாற்ற முடியாது. சிலர் வரலாற்றை மாற்றும் முயற்சியில் ஈடுபட்டு வருகின்றனர். அவர்கள் அம்முயற்சியில் தோற்றுப்போவார்கள். ஏனெனில் வரலாறு என்பது மாற்ற முடியாதது 

என அன்சாரி பேசினார். பாஜக தலைமையிலான தேசிய ஜனநாயக கூட்டணி அரசு வரலாற்றை மாற்ற முயற்சிக்கிறது என எதிர்க்கட்சிகள் குற்றம் சாட்டி வரும் நிலையில், ஹமீது அன்சாரி பேசியுள்ளது பரபரப்பை ஏற்படுத்தியுள்ளது.